– Jeńis kúni merekesi qutty bolsyn!
Bul merekeniń tarihymyzdan alar orny erekshe. Batyr babalarymyzdyń janqiiarlyǵy men erliginiń arqasynda elimizde beibitshilik pen tynyshtyq saltanat qurdy.
Ardagerlerimizdi Uly Jeńistiń 77 jyldyq merekesimen quttyqtadym. Vasilii Antonovich biyl 96 jasqa keledi. Soǵys ýaqytynda Minsk, Varshava, Poznan sekildi ózge de qalalardy jaý qolynan azat etti. Soǵystan keiin temirjol stantsiiasynda eńbek etti. Óziniń kásibiliginiń arqasynda basshylyq qyzmetterdi de atqardy jáne temirjol kóliginiń damýyna ólsheýsiz úles qosty.
Yrzaǵul Baikeshev biyl 99 jasqa tolady. Ǵasyr jasaǵan qariia soǵys zamanynda Polsha, Vengriia, Rýmyniia elderin basqynshylardan bosatty. Soǵystan keiin Aqmola oblysyndaǵy aýyldardyń birinde ekspeditor bolyp qyzmet etti.
Mihail Vasilevich soǵystan keiin temir jol salasynda jumys istedi, sol siiaqty qalanyń mańyzdy nysandarynyń qurylysyna atsalysty: Tselinnikov saraiy, birinshi stadion, JEO, áýejai syndy ǵimarattar bar.
Uly Otan soǵysynyń árbir ardageriniń, qatysýshysynyń qaiǵy men muńǵa da, qýanyshqa da toly estelikteri bar. Olardyń aýyr, «soqtyqpaly, soqpasyz» ómir joly keiingi urpaqqa qashanda úlgi bolyp qalmaq. Batyrlarymyzǵa qamqorlyq kórsetý, erlikterin, esimderin ulyqtap, qurmet kórsetý – búgingi bizdiń basty paryzymyz.
Búgin elordamyzda eskertkishterge gúl shoqtaryn qoiý rásimi ótip jatyr. Qorǵanys ministri Rýslan Jaqsylyqovpen birge batyrlarymyzdy eske aldyq.
Ardagerler men tyl eńbekkerlerine uzaq ǵumyr, myqty densaýlyq tileimin! Jeńistiń 77 jyldyq merekesi qutty bolsyn! – dedi elorda ákim.
