Burynǵy densaýlyq saqtaý ministri Eljan Birtanov Oljas Ábish ekeýine qatysty is boiynsha jańa derekterdi bólisti, dep habarlaidy Dalanews.kz.
Birtanov ne deidi?
Eks-sheneýniktiń sózinshe, 28 mamyrda áriptesi Oljas Ábish Bas prokýratýraǵa ótinish jazǵan.
"Oljas tsifrlandyrý salasyndaǵy belgili maman bolǵannan keiin memlekettik saittardan, Densaýlyq saqtaý ministrliginiń saitynan biraz zertteý jasap, birneshe mańyzdy, qyzyq qujattar taýyp, solardyń negizinde ótinishin jazyp jiberdi. Tikelei aitsaq, bul qujattarda bizdiń is boiynsha mańyzdy aqparat bar. Sot bolyp jatqan kezde Densaýlyq saqtaý ministrliginiń keibir mamandary, bas maman Beibit Esenbaev myrza basqa kompaniialarǵa, tsifrlyq IT kompaniialarǵa tsifrlyq platformamen jumys isteý boiynsha tapsyrma bergen. "Platformaǵa aqparat jiberý kerek" degen. Tehnikalyq maman emespin. Oljas tehnikalyq maman bolǵannan keiin "platforma jumys istemese, oǵan qalai aqparat jiberedi?" deidi. ...Onyń sotta bizge qarsy bergen aiǵaqtary sáikes kelmeidi", - dedi ol "Qasqa jolǵa" bergen suhbatynda.
Eljan Birtanov Bas prokýratýradan ne surap otyrǵandaryn aitty.
"Kólik júrgizý kýáligin alý úshin anyqtama kerek. Ol anyqtama 2019 jyly elektron túrde daiyn turdy, integratsiia jasalyp qoiǵan. Qazir de tur. Narkologiialyq ortalyqtyń anyqtamalary da platforma arqyly dep jazylyp tur. Qazir de tur. "Elektron túrde ashtyq" dep jatyr. Alty jyl buryn sheshilgen másele. Osyndai derekterdi tekserýdi surap otyrmyz", - dedi ol.
Burynǵy sheneýnik ótinishteri ázirge qaralmaǵanyn jetkizdi.
"Ázirge jaýap kelmedi. Zań boiynsha otyz kúnde jaýap berýi kerek. Buryn da kóp shaǵym jazǵanbyz. Kóp jaǵdaida ýaqytynda qaralmaidy. Sodan qoryqqannan keiin Oljas áleýmettik jelilerge shyǵyp, pikirin aityp jatyr. Ádildik bolsyn dep shyǵaryp otyrmyz", - dedi ol.
Birtanov qazirgi ahýalǵa, ministrge qatysty pikir bildirdi.
"Joǵary laýazymdy azamattar bilik bar, aqsha bar bes jyl ishinde tehnikalyq máseleni sheshe almai júrgeni basyma kirmeidi, túsinbeimin. Prezident jyl saiyn joldaýynda "densaýlyq saqtaý salasynda tsifrlandyrý óte mańyzdy, bárin tezirek bitirý kerek" dep aityp keledi. Biraq oryndalmai jatyr. Keiingi jyldary joldaýyna kirgizbeidi. Biraq másele qaldy ǵoi. Byltyr jańa ministr keldi, ol tyrysyp jatyr, kórip otyrmyz. Biraz tirlik bastaldy. Oǵan da ýaqyt kerek. "2025 jyldyń aiaǵyna deiin bitiremiz" dep otyr. Álnazarova óte jaýapty, tájiribesi mol kisi ǵoi, biraq oryndaýshylary Esenbaev sekildi adamdar áli otyr. Olar sol kezde eshteńe bitirmedi, bizge jala japty, ózderiniń qandai múddesi bar, kim biledi?!" - dedi eks-sheneýnik.
Buǵan deiingi jaǵdai
Jýyrda burynǵy densaýlyq saqtaý ministri Eljan Birtanov pen onyń orynbasary bolǵan Oljas Ábishtiń atyshýly isi qaita qaralýy múmkin ekeni habarlandy. Bul týraly Oljas Ábish Facebook paraqshasynda habarlap, jańa qujattar paida bolǵanyn málimdedi.
Onyń sózinshe, 2022 jyly sottyń ekeýine shyǵarǵan aiyptaý úkimi negizinen jalǵyz kýágerdiń bergen túsiniktemesine súiengen. Endi soǵan múldem kereǵar keletin resmi derekter qoldaryna tigen kórinedi. Osyǵan bailanysty Oljas Ábish pen qorǵaýshylary Bas prokýratýraǵa resmi aryz túsirgen.
Birtanov pen Ábishke qatysty is
2022 jyly qazanda Eljan Birtanov pen Oljas Ábish 2018 jyly horvatiialyq Ericsson kompaniiasymen aradaǵy quny 1,3 mlrd teńgelik tsifrlyq platformany "istemese de qabyldap aldy" degen aiyppen kináli dep tanylǵan edi. Sot sheshimimen Birtanov bes jylǵa, al Ábish tórt jylǵa bas bostandyǵynan shektelgen bolatyn. Sondai-aq, ekeýi memleketke keltirgen shyǵyndy birge óteýge mindetteldi.
