«Elin súigen Elbasy» ádebi sazdy kesh ótti
Ádebi sazdy keshti aýyldyq okrýgi ákiminiń orynbasary T.Abdaev ashyp, aýyl turǵyndaryn "1 – jeltoqsan Tuńǵysh Prezident kúni" merekesimen quttyqtady.
Sál tarihqa sheginis jasar bolsaq, 1991 jylǵy 1 jeltoqsanda alǵash ret jalpyhalyqtyq sailaý ótip, egemen Qazaqstannyń negizin salýshy – Nursultan Nazarbaev tuńǵysh ret Prezident bolyp sailandy. Bul jańa memleket qalyptasýynyń ótpeli kezeńinde senimdi basshyǵa óz taǵdyryn tapsyrǵan Qazaqstan halqynyń jaýapty tańdaýy edi. Shyn máninde, Elbasy Nursultan Nazarbaevtyń saliqaly saiasatynyń arqasynda táýelsiz Qazaq eli qalyptasyp, tarihymyz túgendelip, tilimiz, dinimiz jáne dilimiz qaita oralyp, memleketimizdiń ulttyq rámizderi qabyldandy. 1991 jylǵy 10 jeltoqsanda Qazaqstan halqyna bergen antyn tutastai jáne tolyq oryndaǵanyn kórsetti. Qazaq KSR-nyń Joǵarǵy Keńesi sol kúni-aq Qazaq Keńestik Sotsialistik Respýblikasy dep ózgertti. Elmiz búginde búkil álemge tanymal jańa atqa ie boldy. «Qazaqstan Respýblikasynyń memlekettik táýelsizdigi týraly» Qazaqstan REspýblikasynyń zańy 1991 jylǵy 16 jeltoqsanda qabyldandy. Osy zań negizinde elimiz óziniń Táýelsizdigin jariia etti.
Aitýly kúnniń barsha halqymyz úshin mańyzy men mazmuny erekshe ekendigi sózsiz. Bul – ǵasyrlar toǵysynda ata-babalar ańsaǵan ańsarly álem Azattyqtyń alaýyn jaǵyp, Táýelsizdiktiń tusaýyn kesken, qazaq jurtyn álemge beibitsúigish el, tolerantty ult retinde tanytqan Elbasynyń taqqa otyrǵan, Alash balasynyń basyna baq ornaǵan kún ekeni shyndyq.
Osy mereke qarsańynda, birshama ustazdarymyz aýyldyq okrýgi ákimi Sadibaev Serik Ómirhanulynyń quttyqtaý qaǵazymen marapattaldy.
Dalanews.kz
