Qarasha aiynda Almaty, Aqtóbe, Qonaev jáne Shymkent qalalarynda terrorizmdi áleýmettik jelilerde nasihattady degen kúdikpen birneshe adam ustaldy. Bul týraly Ulttyq qaýipsizdik komitetiniń (UQK) baspasóz qyzmeti málimdedi, dep habarlaidy Dalanews.kz.
"Ulttyq qaýipsizdik komiteti biyl qarasha aiynda Almaty, Aqtóbe, Qonaev jáne Shymkent qalalarynda terrorizmdi, sonyń ishinde áleýmettik jelilerde nasihattady degen kúdikpen destrýktivti dini aǵymdardy ustanatyn alty adamdy ustady", - delingen habarlamada.
Tergeý nusqasy boiynsha, kúdiktiler dini sebeptermen zorlyq-zombylyq pen kisi óltirýge shaqyrǵan, sondai-aq zaiyrly memleket júiesine qarsy pikirler taratqan.
Oqiǵa ornyn tintý barysynda olardyń janynan atys jáne sýyq qarýlar, sondai-aq dini mazmundaǵy kóp mólsherdegi ádebietter tárkilendi. Sot sheshimimen barlyq kúdikti qamaýǵa alynǵan.
"QR Qylmystyq-protsestik kodeksiniń 201-babynyń 1-bóligine sáikes, ózge aqparat jariialaýǵa jatpaidy", - dep málimdedi UQK.
Budan bólek, 3 qarashada Aqtóbe oblysynyń turǵyny terrorizmdi nasihattaityn materialdardy taratqany úshin jeti jylǵa bas bostandyǵynan aiyryldy.
UQK dereginshe, jyl basynan beri terrorizm jáne ekstremizm faktileri boiynsha 83 adam ustalyp, 97 adam sottalǵan.
