قاراشا ايىندا الماتى، اقتوبە، قونايەۆ جانە شىمكەنت قالالارىندا تەرروريزمدى الەۋمەتتىك جەلىلەردە ناسيحاتتادى دەگەن كۇدىكپەن بىرنەشە ادام ۇستالدى. بۇل تۋرالى ۇلتتىق قاۋىپسىزدىك كوميتەتىنىڭ (ۇقك) باسپا ءسوز قىزمەتى مالىمدەدى، دەپ حابارلايدى Dalanews.kz.
"ۇلتتىق قاۋىپسىزدىك كوميتەتى بيىل قاراشا ايىندا الماتى، اقتوبە، قونايەۆ جانە شىمكەنت قالالارىندا تەرروريزمدى، سونىڭ ىشىندە الەۋمەتتىك جەلىلەردە ناسيحاتتادى دەگەن كۇدىكپەن دەسترۋكتيۆتى ءدىني اعىمداردى ۇستاناتىن التى ادامدى ۇستادى"، - دەلىنگەن حابارلامادا.
تەرگەۋ نۇسقاسى بويىنشا، كۇدىكتىلەر ءدىني سەبەپتەرمەن زورلىق-زومبىلىق پەن كىسى ولتىرۋگە شاقىرعان، سونداي-اق زايىرلى مەملەكەت جۇيەسىنە قارسى پىكىرلەر تاراتقان.
وقيعا ورنىن ءتىنتۋ بارىسىندا ولاردىڭ جانىنان اتىس جانە سۋىق قارۋلار، سونداي-اق ءدىني مازمۇنداعى كوپ مولشەردەگى ادەبيەتتەر تاركىلەندى. سوت شەشىمىمەن بارلىق كۇدىكتى قاماۋعا الىنعان.
"ق ر قىلمىستىق-پروسەستىك كودەكسىنىڭ 201-بابىنىڭ 1-بولىگىنە سايكەس، وزگە اقپارات جاريالاۋعا جاتپايدى"، - دەپ مالىمدەدى ۇقك.
بۇدان بولەك، 3 قاراشادا اقتوبە وبلىسىنىڭ تۇرعىنى تەرروريزمدى ناسيحاتتايتىن ماتەريالداردى تاراتقانى ءۇشىن جەتى جىلعا باس بوستاندىعىنان ايىرىلدى.
ۇقك دەرەگىنشە، جىل باسىنان بەرى تەرروريزم جانە ەكسترەميزم فاكتىلەرى بويىنشا 83 ادام ۇستالىپ، 97 ادام سوتتالعان.
