«AMANAT» Tóraǵasy Erlan Qoshanov óz sózinde az ǵana ýaqyttyń ishinde partıa qoǵamnyń jańa suranystaryna sáıkes ózgergenin atap ótti.
«Partıaǵa túpkilikti transformasıa jasap, qurǵaq ýáde men jalań urandardan aryldyq. Sózden naqty iske kóship, saıası alańda da, qoǵamdyq jumysta da barynsha ysyldyq, shyńdaldyq. Shyn máninde Memleket basshysynyń qoǵamdyq tiregine, eldegi túbegeıli reformalardyń qozǵaýshy kúshine aınala bildik. Eń bastysy, «AMANAT» partıasy qysyltaıań sátterde árdaıym halqymyzben birge boldy»,- dedi ol.
«AMANAT» partıasy barlyq deńgeıdegi máslıhattarǵa 3821, Májiliske 119 kandıdat usyndy. Elimizdiń barlyq ókildi organyna usynylatyn «AMANAT» partıalyq quramasy 75%-ǵa jańardy. Olar – Prezıdent reformalary men partıa baǵytyn júzege asyrýǵa qabiletti jarqyn kóshbasshylardyń jańa toby. Bul quramda barlyq óńirdiń, barlyq salanyń ókilderi bar. Naǵyz memleketshil, patrıot azamattar. Bizdiń úmitkerler partıany ádil de taza jeńiske bastaıdy dep kámil senemin. Óıtkeni, olardyń artynda ózderińizdeı adal partıalastar men qalyń orman halqymyz bar», - dedi Erlan Qoshanov.
Óz kezeginde Májilistiń VII shaqyrylymynyń burynǵy depýtaty Edil Jańbyrshın ekonomıkasy myqty ádil qoǵam qurý úshin eń aldymen aýyldy aıaǵynan turǵyzý qajet dep esepteıdi.
«Aýylda halqymyzdyń elý paıyzy turady. «AMANAT» partıasy árqashan aýylǵa asa mán berip, ondaǵy aǵaıynnyń esh nársege muqtaj bolmaýyn qamtamasyz etýdi ózine mindet etip otyr. Ulttyq bolmysymyzdy saqtaýdyń, halqymyzdy tarydaı shashyp almaýdyń bir joly – ol aýyldardyń ınfraqurylymyn damytý. Osy maqsatty iske asyrý úshin «AMANAT» partıasy aldaǵy bes jylda júıeli jumys isteıdi. Sondaı-aq, jeke sharýashylyqtardy qoldaý úshin «Aýyl amanaty» jobasyn bastap kettik», - dedi ol.
22 jasynda Almaty qalasy máslıhatynyń ótken shaqyrylymynyń depýtaty bolǵan paralımpıadashy Serik Esmatov qoǵamnyń ıgiligi úshin eńbek etý árbir qazaqstandyqtyń qolynan keletinin atap ótti.
«Eki aıaǵymnan aıyrylsam da, ómirimdi ózgerte aldym jáne elimizdi jaqsy jaqqa ózgertkim keledi. Zamanaýı jáne Ádiletti Qazaqstandy qurý isine búkil qoǵamnyń atsalysýy mańyzdy», - dedi Serik Esmatov.
Sondaı-aq, Sıeze jýrnalıs, Almaty qalasy máslıhatynyń VII shaqyrylymynyń eks-depýtaty Sergeı Ponomarev, «Jastar Rýhy» jastar qanatynyń belsendisi Arıana Belobjıskaıa, Túrkistan oblysy Saryaǵash aýdany máslıhatynyń depýtattyǵyna kandıdat Juldyz Jumanqyzy jáne aqyn Almas Ahmetbekuly sóz sóıledi.
Pikir almasýdan jáne daýys berý rásiminen keıin «AMANAT» partıasynyń kezekten tys XXV Seziniń sheshimimen partıalyq tizimder men birmandatty aýmaqtyq saılaý okrýgteri boıynsha saılanatyn Májilis depýtattyǵyna kandıdattardyń tizimin jáne partıanyń Saılaýaldy baǵdarlamasyn bekitti.
Saılaýaldy baǵdarlamanyń tolyq mátini úgit-nasıhat kezeńiniń alǵashqy kúninde jarıalanyp, partıanyń saıtynda ornalastyrylady.
