8 tamyzda Qazaqstannyń ońtústik-shyǵysyndaǵy taýly aimaqtarda jańbyr jaýyp, naizaǵai oinaidy. Sonymen qatar qatty jel soǵyp, onyń jyldamdyǵy sekýndyna 15–20 metrge deiin jetedi. Kei jerlerde jel ekpini 25–28 metrge deiin kúsheiýi múmkin, dep habarlaidy dalanews.kz.
Aýa temperatýrasy +44 gradýsqa deiin kóteriledi
Sinoptikterdiń boljamynsha, aldaǵy kúnderi elimizdiń birqatar óńirinde aptap ystyq saqtalady. Kei jerlerde aýa temperatýrasy +40...+44 gradýsqa deiin kóterilip, turǵyndarǵa qolaisyz jaǵdai týǵyzýy yqtimal.
Órt qaýpi joǵary deńgeide
Qurǵaq ári ystyq aýa raiyna bailanysty birneshe oblysta tótenshe órt qaýpi saqtalyp otyr. Mamandar tabiǵat aiasynda demalý kezinde ot jaǵýǵa, janǵysh zattardy beibereket tastaýǵa jáne órt qaýipsizdigi talaptaryn buzýǵa bolmaitynyn eskertedi.
TJM eskertý jasady
Tótenshe jaǵdailar ministrligi turǵyndardy kúnniń ystyq ýaqytynda uzaq ýaqyt syrtta bolmaýǵa, kóbirek sý ishýge jáne qaýipsizdik sharalaryn saqtaýǵa shaqyrdy.
