Oblystaǵy egis alqaptaryn aǵyn sýmen qamtý máselesine qatysty kezekti ret jaýapty basshylardyń basyn qosqan Túrkistan oblysynyń ákimi Darhan Satybaldy sharýalardy aǵyn sýmen qamtýdy júielep, turaqty baqylaýda ustaýdy qatań tapsyrdy.
Osy aýmaqtaǵy sýarmaly jerlerdiń barlyǵy Ózbekstannan keletin transshekaralyq «Dostyq» magistraldy kanaly arqyly sýmen qamtamasyz etiledi.
Búgingi kúni suranysqa sai sharýalarǵa qajetti sýdy jetkizý úshin mashinalyq kanal iske qosylyp, qosymsha qajetti sý jetkizilýde.
Sonymen qatar oblystyń Shardara, Otyrar aýdandary men Arys qalasyndaǵy 75 myń gektar sýarmaly jerlerge sharýalardyń suranysyna sáikes «Qyzylqum» magistraldy kanaly arqyly 50 m³/sek aǵyn sý bosatylýda. Qajettilik tolyqtai qamtamasyz etilgen. Jalpy oblysta josparlanǵan 488,6 myń gektar jer jyrtý jáne 115 myń gektar sor shaiý jumystary tolyǵymen aiaqtaldy.
– El Prezidenti Qasym-Jomart Toqaev óz Joldaýynda sý nysandarynyń ekojúiesin saqtap, ony únemdi paidalaný úshin asa mańyzdy kanaldar qaita jańǵyrtylatyny týraly aitqan bolatyn. Memleket basshysy sonymen birge jańa tehnologiialar men tsifrlandyrý arqyly sýdy únemdeýge kóshirýdi tapsyrdy.
Bul rette osy sý nysandaryn jergilikti deńgeide tiimdi paidalaný arqyly Ordabasy, Otyrar, Báidibek, Saýran aýdandary men Arys, Kentaý qalalarynyń 80 myń gektarǵa jýyq sýarmaly jerin jáne Túrkistan qalasyn kógaldandyrý jumystaryn aǵyn sýmen ýaqtyly qamtamasyz etýge múmkindik berilip otyr. Elimizdegi sýarmaly alqaptardyń 4/1 bóligi Túrkistan oblysyna tiesili. Sondyqtan aǵyn sý máselesi óte ózekti jáne turaqty nazarda, – dedi oblys ákimi Darhan Satybaldy.
[caption id="attachment_89003" align="aligncenter" width="800"]
Búginde óńirde sharýalardyń sýdy qajettilikten artyq paidalanýyna, aǵyn sý ysyrabyna jol bermeý jáne sý berý tártibin retteý úshin oblysta naqty tarif bekitilgen. Nátijesinde sharýalarǵa aǵyn sýdy tek qajettilikterine sáikes bólý tártibi engizilgen. Sonymen qatar sý shyǵynyn únemdeý maqsatynda «Túrkistan» magistraldy kanalynyń bir bóligin temir betonmen qaptaý jumystary aiaqtalyp, barlyq shliýzdardaǵy sý ólshegishter esepke alynyp, sý balansyn saqtaý jumystary bir júiege keltirilgen.
Búgingi kúni «Shardara» sý qoimasy men «Kóksarai» sý rettegishinde, «Qosqarǵan» jáne «Keńsai-Qosqarǵan-2» sý qoimalarynda sý jetkilikti. Óńirdegi sý tapsyshyly máselesin sheshý úshin birqatar sý nysandarynyń jobalary ázirlenýde. «Báidibek ata» sý qoimasyn salý jobasy salynǵanda sýarý maýsymynda «Bógen» sý qoimasyna 68 mln.m³ aǵyn sý qosymsha jetkiziledi. «Boraldai» sý qoimasy jobasy nátijesinde sýarý maýsymynda «Bógen» sý qoimasyna 65 mln. m³ aǵyn sý qosymsha jetkiziledi. Eki qoimany salý esebinen aldaǵy jyldary Túrkistan óńiri kepildi aǵyn sýmen qamtamasyz etiledi.
Budan bólek, sý nysandaryn qalpyna keltirý, meliorativtik jaǵdaiyn jaqsartý maqsatynda, oblys ákiminiń tapsyrmasymen 15 sý nysanyn kúrdeli jóndeý, 5 sý nysanyn aǵymdaǵy jóndeý jumystaryna oblystyq biýdjetten 3,7 mlrd. teńge qarjy bólindi. Nátijesinde 63 shaqyrym kanal kúrdeli jáne aǵymdaǵy jóndeýden ótkizilip, 11,2 myń gektar jerdiń sýmen qamtamasyz etilýi jaqsarady.
«Turan sý» ShJQ MKK-n óz qarjysy esebinen biyl Ordabasy, Saýran aýdandary men Arys qalasynda 230 shaqyrym kanaldarǵa mehanikalyq tazalaý jumystaryn júrgizý josparlanyp, búgingi tańda 72 shaqyrymǵa tazalaý jumystary júrgizildi.
Tozyǵy jetken sý nysandaryn qalpyna keltirý jumystaryn jandandyrý maqsatynda Sairam aýdanynda tótenshe jaǵdai kaýpi bar «Aqbai qarasý» kanalyn kúrdeli jóndeý, Shardara aýdanynda kanaldardy kúrdeli jóndeý, Keles aýdanynda jalpy 75 kanaldy aǵymdaǵy jóndeý kózdelip otyr.
Sondai aq 5 aýdanda ornalasqan 12 sý qoimalardy aýdandyq menshikten oblystyq kommýnaldyq menshikke qabyldaý sharalary atqarylýda.
