Qazaqstanda shaǵyn jáne orta biznes sýbektileriniń sany 2,1 millionnan asty, dep habarlaidy Dalanews.kz.
QR Úkimeti baspasóz qyzmetiniń habarlaýynsha, 2021 jyldan bastap Qazaqstanda kásipkerlik qyzmet salasynda jańa retteýshilik saiasatty kezeń-kezeńimen engizý boiynsha jumys júrgizilýde. 2024 jylǵy 6 sáýirde memlekettik qadaǵalaýdy jetildirgen jáne 10 myńnan astam artyq talaptardyń kúshin joiǵan biznesti júrgizý týraly zań qabyldandy.
Bas prokýratýranyń málimetinshe, 2024 jyly bizneske qadaǵalaý júktemesi 2019 jylmen salystyrǵanda 58%-ǵa tómendegen. Oǵan qosymsha 2024 jylǵy 30 jeltoqsanda Birjalyq saýda jáne kásipkerlik máseleleri jónindegi zańmen investorlarǵa qadaǵalaý júktemesin azaitý maqsatynda kez kelgen shekteý jáne tyiym salý sharalaryn prokýrorlardyń maquldaýyn talap etetin "prokýrorlyq súzgi" tetigi engizildi.
Otandyq kásiporyndardyń júktemesin arttyrý maqsatynda Úkimet retteletin satyp alý quraldaryn keńeitip, uzaqmerzimdi kelisimsharttar men ofteik-kelisimsharttardy engizdi.
Memlekettik satyp alýlar aiasynda ulttyq rejimnen 4 834 taýar pozitsiiasyn alyp tastaý belgilengen. 2025 jyldyń alty aiynyń qorytyndysy boiynsha 333,4 mlrd teńgege 106 myńnan astam kelisimshart jasaldy. Bul 2024 jyldyń sáikes kezeńimen salystyrǵanda eki eseden astam ósim kórsetedi.
Sonymen qatar otandyq taýar óndirýshilerdiń biryńǵai tizilimin qalyptastyrý jumysy júrgizilýde. Ol kompaniialardyń satyp alýlar men memlekettik qoldaý sharalaryna basymdyqpen qol jetkizýin qamtamasyz etip, "jalǵan óndirýshilerdi" naryqtan shyǵaryp tastaýǵa múmkindik beredi.
Otandyq taýar óndirýshiler tizilimi: tsifrlyq verifikatsiia jáne naryqty qorǵaý
Prezidenttiń tapsyrmalaryn oryndaý maqsatynda qazaqstandyq taýarlar tizilimin qalyptastyrý jumysy aiaqtalýda. Bul platforma ST-KZ jáne indýstriialyq sertifikattardy almastyryp, memlekettik derekqorlar arqyly málimetterdiń avtomatty verifikatsiiasyn qamtamasyz etedi, sybailas jemqorlyq táýekelderin tómendetedi jáne naqty óndiristi rastaýǵa múmkindik beredi.
Kompaniialar QR-kody bar tegin onlain-anyqtama ala alady. Bul tizilimge engizý tek rastalǵan óndiris bolǵan jaǵdaida ǵana júzege asyrylady. Tolyqqandy iske qosý 2026 jylǵy 1 qańtarǵa josparlanǵan.
"Sonymen qatar, litsenziialaýdyń qoljetimdiligi men boljamdylyǵy artady: 2025 jyldyń sońyna deiin biznestiń ártúrli litsenziialar men ruqsattardy alýy úshin biliktilik talaptary qaita qaralady, sondai-aq olardy alý rásimderi men merzimderi ońtailandyrylady. Biznes birqatar esepterdi tapsyrýdan bosatyldy. Kásipkerlik qyzmettiń 58 salasynda bar 381 aqparattyq qural 49%-ǵa ońtailandyryldy jáne 37%-ǵa avtomattandyryldy. Qabyldanǵan sharalar nátijesinde shaǵyn jáne orta biznes sany 2024 jylmen salystyrǵanda 4,7%-ǵa nemese 96 209 kásiporynǵa ósip, 2 125 003 kásiporyndy qurady. Ekonomikadaǵy ShOB úlesi de 0,9 paiyzdyq tarmaqshaǵa ósip, 38,6%-ǵa jetti. Shaǵyn jáne orta biznes sýbektileriniń ónim shyǵarý kólemi 18,7 trln teńgeni qurap, 11,4%-ǵa ulǵaidy", delingen Úkimet habarlamasynda.
Prezidenttiń tapsyrmasyna sáikes, memlekettiń biznespen ózara is-qimyl jasaý tásilderi qadaǵalaýdan seriktestikke qarai ózgerýde.
"2025 jyldyń 1 sáýirinde kásipkerlerdi qoldaý úshin arnaiy jasalǵan zamanaýi tsifrlyq kómekshi – eGov Business mobildi qosymshasy jańartyldy. Bul qosymsha mobildik bailanys qurylǵylaryn paidalana otyryp ShOB-qa arnalǵan memlekettik qyzmetterdi kórsetý protsesterin, memlekettik qoldaý sharalary men "Elektrondyq úkimet" servisterin avtomattandyrýǵa arnalǵan", dep naqtylanady.
Jańa qyzmetter arasynda kásiporyndy tirkeý, salyq kúntizbesi, elektrondy sertifikattar alý jáne qujattarǵa tsifrlyq qol qoiý siiaqty servister qoljetimdi.
