Elimizdegi kúnbaǵys maiynyń 66 paiyzyn Shyǵys Qazaqstan óndirip otyr
Shyǵys Qazaqstan oblysynyń ákimi Danial Ahmetovtyń atap ótkenindei óńirde ósimdik sharýashylyǵyn damytý baǵdarlamasy iske asyrylyp jatyr, tiimdiligi joǵary daqyldardyń alqaptaryn ulǵaita otyryp, egistikti ártaraptandyrý júrgizilýde.
«Shyǵys Qazaqstanǵa elimizde ósiriletin kúnbaǵys kóleminiń 66%-y keletinin eskersek, bizdiń basty mindetimiz – ony qaita óńdeý kólemin ulǵaitý», — deidi ol.
Naryqqa joǵary sapaly daiyn ónimdi shyǵarý úshin osy jyldyń basynan beri oblysta qýaty 300 myń tonna iri mai ekstraktsiialaý zaýyty («Altyn Shyghys» JShS) paidalanýǵa berildi, Óskemen qalasynda qýaty jylyna 50 myń tonna kúnbaǵys maiy zaýyty («ALTAI MAI» JShS) salynyp jatyr.
Osylaisha, jańa mai ekstraktsiialaý zaýyttarynyń iske qosylýy jumys istep turǵan óndiristerdi eskere otyryp, qaita óńdeý kólemin 1 mln tonnaǵa deiin, ósimdik mailarynyń eksportyn 1,3 ese ulǵaitýǵa múmkindik beredi.
Ahmetovtyń aitýynsha óńir basshylyǵy aimaqtaǵy biznes-ahýaldy jaqsartý jáne kásipkerlikti jan-jaqty qoldaý baǵytynda aýqymdy is-sharalar atqarýda.
"Shaǵyn jáne orta biznes – naqty sektor tiimdiliginiń mańyzdy kórsetkishi, bul sala bizdiń jumysymyzdyń basymdyǵy bolyp qala bermek", — dedi ákim.
Ákim málim etkendei biylǵy jyldyń basynan bastap barlyq memlekettik baǵdarlamalar aiasynda 4,4 mlrd teńgege shaǵyn jáne orta biznestiń 98 jobasy sýbsidiialanyp, kepildendirildi, bul negizgi kapitalǵa investitsiialar kóleminiń 107,2%-ǵa (174,7 mlrd teńge) jáne ShOB-tan biýdjetke tólenetin tólemderdiń 116,6-ǵa (54 mlrd teńge) ósýine yqpal etken.
