Sherý basynda 2 400 000 000 dollary bar 58 jastaǵy Bolat Ótemuratov kósh bastap tur.Bolat Ótemuratov «Vernyi Kapital» kompaniiasynyń basshysy, Vena men Máskeýdegi Ritz-Carlton oteliniń iesi. Ol sondai-aq aqparattyq-saraptamalyq Informburo.kz internet-portaly men «31 arnanyń» da qojaiyny bolyp tabylady. Biznesmen sondai-aq ITF Halyqaralyq tennis federatsiiasy direktorlar keńesine múshe, Qazaqstandaǵy tennis federatsiiasyn basqarady, «Asyl-Miras» atty qaiyrymdylyq qory bar.
Elý baidyń ekinshisi – 2 100 000 000 dollar jinaǵan Timýr Qulybaev deitin kisi. Timýr Qulybaev zaiyby Dinara Qulybaeva ekeýi «ALMEKS» AQ Holdnig toby arqyly Halyq bankti basqarady. Onyń quzyryna sondai-aq «Firma «ALMEKS Pliýs» JShS-niń, «Kipros» JShS-niń, «Mercury Properties» JShS-niń, «Aksaigazservis» AQ-nyń, «Viled Group» JShS-niń , «Viled Fashion» ( Saks Fifth Avenue saýda jelisi) JShS-niń qazaqstandyq aktivteri bar. «Atameken» kásipkerler palatasyn basqarady. Elý baidyń kóshin bastap turǵan Temkeń qazir 50 jasta.
Úshinshi bai — áigili Vladimir Kim. 55 jastaǵy Vladimir Kim 1 700 000 000 AQSh dollaryna ie. «Qazaqmys Korparatsiiasy» JShS-niń 70 paiyz úlesi Kimniń qolynda. Byltyr Kimniń qarjysy 1 800 000 000 dollar bolǵan edi.
Tórdegi bailardyń tórtinshisi – Dinmuhamet Ydyrysov degen azamat. 51 jasta. Ydyrysovtyń bailyǵyn atalǵan sait 479 000 000 dollar dep kórsetipti. Ydyrysov «Alma-TV» JShS-niń 100 paiyz, , «Kazazot» JShS-niń 30 paiyz, , 9,68 % AO «Bank RBK»-niń 9,68 paiyz, , «Strahovaia kompaniia Amanat» AQ-nyń 100 paiyz, , «Aktiýbinskii zavod neftianogo oborýdovaniia» AQ-nyń 29,9 paiyz aktsiiasyna ie. «Dom mamy» qaiyrymdylyq jobasyna qatysýshylardyń biri.
Besinshi bai – 37 jastaǵy Keńes Raqyshev. Kazkommertsbanktiń 71,31 paiyz aktsiiasyna tikelei jáne janama baqylaý jasaityn isker jigittiń qaltasyndaǵy qarjy kólemi 718 000 000 dollar kórinedi. «7 kanal» deitin telearnanyń qojaiyny bolyp tabylatyn Raqyshevtiń «Magnum Cash & Carry», SAT & Company, «Strahovaia kompaniia Standard», Central Asia Metals Plc Net Element , SAT & Company i Net Element atty biznestik qurylymdarǵa qatysy bar. QR dziýdo Federatsiiasynyń prezidenti. «Dom mamy» jobasyna da turaqty at salysyp turady.
Altynyshy alpaýytyńyz – 63 jastaǵy Alidjan aka. Alidjan Ibragimov. 1 800 000 000 dollardy qampaityp qaltasyna basqan Alidjandy atalǵan sait nege altynshy orynǵa qoiyp otyrǵanyn túsine almadyq.
350 000 000 AQSh dollarymen Qairat Boranbaev jetinshi orynǵa jetipti. 50 jastaǵy Qairat Boranbaev Qazaqstan men Belarýssiiadaǵy McDonald’s-tiń franchaizi. «Phystech II» munai AQ-nyń 30 paiyzy, , «Esentai Mall» Saýda ortalyǵynyń 50 paiyzy, «Esentai Tower» biznes ortalyǵynyń 50 paiyzy, , «Rahat Palas» qonaq úiiniń 50 paiyzy osy azamattyń qolynda. Medeý ańǵaryndaǵy «Medeu Resort» qonaq úi kesheni de Qairatqa qaraidy. «Kemikal» munaihimiia kompaniiasyna Qairekeń qojalyq etedi.
Segizinshi oryndaǵy serkemiz – Rashit Sársenov. 68 jasta. 669 000 000 dollardyń iesi. «Novoe pokolenie» deitin orys tildi gazet osy Rahańnyń arqasynda rahat ómir súrýde. Vita dep atalatyn aýyz sýdy shyǵaratyn (tazalap shyǵaratyn) Sársenovtiń kompaniiasy Gelios janarmai stansalarynyń qyzmetine de baqylaý jasaidy. Opa-dalap, iissýlar brendtimen aty shyqqan «Frantsýzskii dom» saýda úii de osy kisiniki.
Elý baidyń tolyq tizimin myna siltemeden kórýge bolady: Forbs
