شەرۋ باسىندا 2 400 000 000 دوللارى بار 58 جاستاعى بولات وتەمۇراتوۆ كوش باستاپ تۇر.بولات وتەمۇراتوۆ «ۆەرنىي كاپيتال» كومپانياسىنىڭ باسشىسى، ۆەنا مەن ماسكەۋدەگى Ritz-Carlton وتەلىنىڭ يەسى. ول سونداي-اق اقپاراتتىق-ساراپتامالىق Informburo.kz ينتەرنەت-پورتالى مەن «31 ارنانىڭ» دا قوجايىنى بولىپ تابىلادى. بيزنەسمەن سونداي-اق ITF حالىقارالىق تەننيس فەدەراسياسى ديرەكتورلار كەڭەسىنە مۇشە، قازاقستانداعى تەننيس فەدەراسياسىن باسقارادى، «اسىل-ميراس» اتتى قايىرىمدىلىق قورى بار.
ەلۋ بايدىڭ ەكىنشىسى – 2 100 000 000 دوللار جيناعان تيمۋر قۇلىبايەۆ دەيتىن كىسى. تيمۋر قۇلىبايەۆ زايىبى دينارا قۇلىبايەۆا ەكەۋى «المەكس» اق حولدنيگ توبى ارقىلى حالىق بانكتى باسقارادى. ونىڭ قۇزىرىنا سونداي-اق «فيرما «المەكس پليۋس» ءجشس-نىڭ، «كيپروس» ءجشس-نىڭ، «Mercury Properties» ءجشس-نىڭ، «اكسايگازسەرۆيس» اق-نىڭ، «Viled Group» ءجشس-نىڭ ، «Viled Fashion» ( Saks Fifth Avenue ساۋدا جەلىسى) ءجشس-نىڭ قازاقستاندىق اكتيۆتەرى بار. «اتامەكەن» كاسىپكەرلەر پالاتاسىن باسقارادى. ەلۋ بايدىڭ كوشىن باستاپ تۇرعان تەمكەڭ ءقازىر 50 جاستا.
ءۇشىنشى باي — ايگىلى ۆلاديمير كيم. 55 جاستاعى ۆلاديمير كيم 1 700 000 000 اقش دوللارىنا يە. «قازاقمىس كورپاراسياسى» ءجشس-نىڭ 70 پايىز ۇلەسى كيمنىڭ قولىندا. بىلتىر كيمنىڭ قارجىسى 1 800 000 000 دوللار بولعان ەدى.
توردەگى بايلاردىڭ ءتورتىنشىسى – دىنمۇحامەت ىدىرىسوۆ دەگەن ازامات. 51 جاستا. ىدىرىسوۆتىڭ بايلىعىن اتالعان سايت 479 000 000 دوللار دەپ كورسەتىپتى. ىدىرىسوۆ «الما-تۆ» ءجشس-نىڭ 100 پايىز، ، «كازازوت» ءجشس-نىڭ 30 پايىز، ، 9،68 % او «Bank RBK»ء-نىڭ 9،68 پايىز، ، «ستراحوۆايا كومپانيا Amanat» اق-نىڭ 100 پايىز، ، «اكتيۋبينسكيي زاۆود نەفتيانوگو وبورۋدوۆانيا» اق-نىڭ 29،9 پايىز اكسياسىنا يە. «دوم مامى» قايىرىمدىلىق جوباسىنا قاتىسۋشىلاردىڭ ءبىرى.
بەسىنشى باي – 37 جاستاعى كەڭەس راقىشيەۆ. كازكوممەرسبانكتىڭ 71،31 پايىز اكسياسىنا تىكەلەي جانە جاناما باقىلاۋ جاسايتىن ىسكەر جىگىتتىڭ قالتاسىنداعى قارجى كولەمى 718 000 000 دوللار كورىنەدى. «7 كانال» دەيتىن تەلەارنانىڭ قوجايىنى بولىپ تابىلاتىن راقىشيەۆتىڭ «Magnum Cash & Carry»، SAT & Company، «ستراحوۆايا كومپانيا Standard»، Central Asia Metals Plc Net Element ، SAT & Company ي Net Element اتتى بيزنەستىك قۇرىلىمدارعا قاتىسى بار. ق ر دزيۋدو فەدەراسياسىنىڭ پرەزيدەنتى. «دوم مامى» جوباسىنا دا تۇراقتى ات سالىسىپ تۇرادى.
التىنىشى الپاۋىتىڭىز – 63 جاستاعى اليدجان اكا. اليدجان يبراگيموۆ. 1 800 000 000 دوللاردى قامپايتىپ قالتاسىنا باسقان اليدجاندى اتالعان سايت نەگە التىنشى ورىنعا قويىپ وتىرعانىن تۇسىنە المادىق.
350 000 000 اقش دوللارىمەن قايرات بورانبايەۆ جەتىنشى ورىنعا جەتىپتى. 50 جاستاعى قايرات بورانبايەۆ قازاقستان مەن بەلارۋسسياداعى McDonald’sء-تىڭ ءفرانچايزى. «Phystech II» مۇناي اق-نىڭ 30 پايىزى، ، «Esentai Mall» ساۋدا ورتالىعىنىڭ 50 پايىزى، «Esentai Tower» بيزنەس ورتالىعىنىڭ 50 پايىزى، ، «راحات پالاس» قوناق ءۇيىنىڭ 50 پايىزى وسى ازاماتتىڭ قولىندا. مەدەۋ اڭعارىنداعى «Medeu Resort» قوناق ءۇي كەشەنى دە قايراتقا قارايدى. «كەميكال» مۇنايحيميا كومپانياسىنا قايرەكەڭ قوجالىق ەتەدى.
سەگىزىنشى ورىنداعى سەركەمىز – راشيت سارسەنوۆ. 68 جاستا. 669 000 000 دوللاردىڭ يەسى. «نوۆوە پوكولەنيە» دەيتىن ورىس ءتىلدى گازەت وسى راحاڭنىڭ ارقاسىندا راحات ءومىر سۇرۋدە. Vita دەپ اتالاتىن اۋىز سۋدى شىعاراتىن (تازالاپ شىعاراتىن) سارسەنوۆتىڭ كومپانياسى Gelios جانارماي ستانسالارىنىڭ قىزمەتىنە دە باقىلاۋ جاسايدى. وپا-دالاپ، ءيىسسۋلار برەندتىمەن اتى شىققان «فرانسۋزسكيي دوم» ساۋدا ءۇيى دە وسى كىسىنىكى.
ەلۋ بايدىڭ تولىق ءتىزىمىن مىنا سىلتەمەدەن كورۋگە بولادى: فوربس
