Elimizdegi ıpotekalyq turǵyn úı zaıymdary boıynsha jyldyq joǵarǵy tıimdi syıaqy mólsherlemesin (JTSM) 20%-ǵa deıin tómendetýdi usynǵan QR Qarjy naryǵyn retteý jáne damytý agenttigi men  Ulttyq Bank birlesken qaýlysynyń jobasy jarıalandy, dep habarlaıdy Dalanews.kz.

Qujatta bul shara ıpotekalyq turǵyn úı zaımdarynyń qoljetimdiligin arttyrý úshin qolǵa alynyp otyrǵany naqtylanady.

Agenttik pen  Ulttyq banktiń qoldanystaǵy erejelerine sáıkes, ıpoteka boıynsha jyldyq syıaqy mólsherlemesiniń eń joǵary mólsherlemesi qazir 25%-dy quraıdy.

"Eń joǵary jyldyq tıimdi syıaqy mólsherlemesi bylaı belgilensin: ekinshi deńgeıdegi bankter, bank operasıalarynyń jekelegen túrlerin júzege asyratyn uıymdar beretin bank nesıesi boıynsha kepilzat qoıylmaǵan bank qaryzynyń jyldyq syıaqy mólsherlemesi - 46%; kepilzat qoıylǵan bank nesıesi - 35%; ıpotekalyq turǵyn úı zaemy - 20%; mıkroqarjy qyzmetin júzege asyratyn uıymdar beretin shaǵyn nesıe - 46%", delingen qoǵamdyq talqylaýǵa usynylǵan qaýly jobasynda.

Qoldanystaǵy erejelerge sáıkes, kórsetilgen nesıeler boıynsha eń joǵary syıaqy mólsherlemesi tıisinshe jylyna 46%, 35%, 20% jáne 46%dy quraıdy.

"Osylaısha, mólsherlemeniń tómendeýi naryqtyq sharttarmen berilgen ıpotekalyq nesıelerge ǵana áser etedi, óıtkeni Otbasy banktiń ıpotekalyq nesıeleri memlekettik qoldaýdyń arqasynda naryqtyq mólsherlemelerden de aıtarlyqtaı tómen", dep naqtylanady qujatta.

Buǵan deıin naýryzda "Naýryz" jáne "Naýryz Jumysker" baǵdarlamalary boıynsha ótinishter qabyldaý bastalatynyn jazǵanbyz.