ەلىمىزدەگى يپوتەكالىق تۇرعىن ءۇي زايىمدارى بويىنشا جىلدىق جوعارعى ءتيىمدى سىياقى مولشەرلەمەسىن (جتسم) 20%-عا دەيىن تومەندەتۋدى ۇسىنعان ق ر قارجى نارىعىن رەتتەۋ جانە دامىتۋ اگەنتتىگى مەن  ۇلتتىق بانك بىرلەسكەن قاۋلىسىنىڭ جوباسى جاريالاندى، دەپ حابارلايدى Dalanews.kz.

قۇجاتتا بۇل شارا يپوتەكالىق تۇرعىن ءۇي زايمدارىنىڭ قولجەتىمدىلىگىن ارتتىرۋ ءۇشىن قولعا الىنىپ وتىرعانى ناقتىلانادى.

اگەنتتىك پەن  ۇلتتىق بانكتىڭ قولدانىستاعى ەرەجەلەرىنە سايكەس، يپوتەكا بويىنشا جىلدىق سىياقى مولشەرلەمەسىنىڭ ەڭ جوعارى مولشەرلەمەسى ءقازىر 25%-دى قۇرايدى.

"ەڭ جوعارى جىلدىق ءتيىمدى سىياقى مولشەرلەمەسى بىلاي بەلگىلەنسىن: ەكىنشى دەڭگەيدەگى بانكتەر، بانك وپەراسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار بەرەتىن بانك نەسيەسى بويىنشا كەپىلزات قويىلماعان بانك قارىزىنىڭ جىلدىق سىياقى مولشەرلەمەسى - 46%؛ كەپىلزات قويىلعان بانك نەسيەسى - 35%؛ يپوتەكالىق تۇرعىن ءۇي زاەمى - 20%؛ ميكروقارجى قىزمەتىن جۇزەگە اسىراتىن ۇيىمدار بەرەتىن شاعىن نەسيە - 46%"، دەلىنگەن قوعامدىق تالقىلاۋعا ۇسىنىلعان قاۋلى جوباسىندا.

قولدانىستاعى ەرەجەلەرگە سايكەس، كورسەتىلگەن نەسيەلەر بويىنشا ەڭ جوعارى سىياقى مولشەرلەمەسى تيىسىنشە جىلىنا 46%، 35%، 20% جانە 46%دى قۇرايدى.

"وسىلايشا، مولشەرلەمەنىڭ تومەندەۋى نارىقتىق شارتتارمەن بەرىلگەن يپوتەكالىق نەسيەلەرگە عانا اسەر ەتەدى، ويتكەنى وتباسى بانكتىڭ يپوتەكالىق نەسيەلەرى مەملەكەتتىك قولداۋدىڭ ارقاسىندا نارىقتىق مولشەرلەمەلەردەن دە ايتارلىقتاي تومەن"، دەپ ناقتىلانادى قۇجاتتا.

بۇعان دەيىن ناۋرىزدا "ناۋرىز" جانە "ناۋرىز جۇمىسكەر" باعدارلامالارى بويىنشا وتىنىشتەر قابىلداۋ باستالاتىنىن جازعانبىز.