2025 jyly 21 qańtarda QR Premer-mınıstri Oljas Bektenovtiń tóraǵalyǵymen ótken Úkimet otyrysynda İT-qyzmetter men ónimder eksportyn damytý máseleleri qaraldy. Sıfrlyq damý mınıstrligine naýryz aıynyń sońyna deıin Qazaqstan Venture Group basqarýshy kompanıasyn qurý jáne lısenzıalaý jumystaryn aıaqtaý tapsyryldy, dep jazady Dalanews.kz.
"Memleket basshysy 2026 jylǵa qaraı IT-eksportynyń jalpy kólemin $1 mlrd-qa dáıin jetkizý mindetin qoıdy. IT-qyzmetter men ónimder eksportyn ulǵaıtý boıynsha aldaǵy jumystarda óńirlerdegi akselerasıa baǵdarlamalaryn damytýǵa jáne seriktes-ınvestorlar qataryn keńeıtýge basa nazar aýdarý kerek. Osy salanyń qozǵaýshy kúshi óńirlik IT-habtar men venchýrlik qorlar bolýy tıis", — dep atap ótti Oljas Bektenov jıynda.
Premer-mınıstr atalǵan úkimet jıynynda quzyrly organdarǵa birqatar tapsyrma júktedi:
- Sıfrlyq damý, ınovasıalar jáne aeroǵarysh ónerkásibi mınıstrligine jergilikti atqarýshy organdarmen birlesip, Astana Hub jáne Qaraǵandy terıkon alqabynyń úlgisi boıynsha óńirlik IT-habtardy qoldaý jónindegi jol kartasyn ázirleý mindetin qoıdy. Ákimdikterge qarjylandyrý máselesin jedel sheshý tapsyryldy.
İT-qyzmeti qyzmetter men ónimder eksporttaýǵa baǵyttalǵan IT-kompanıalar úshin memlekettik qoldaý sharalaryn ózektendirýdi tapsyrdy. - Venchýrlyq qor qurý rásimderin jedeldetý qajettigine erekshe nazar aýdarylyp, qor kólemi 2025 jyldyń sońyna qaraı 1 mlrd dollarǵa deıin jetkizildi, osyǵan baılanysty Sıfrlyq damý mınıstrligine naýryz aıynyń sońyna deıin Qazaqstan Venture Group basqarýshy kompanıasyn qurý jáne lısenzıalaý jumystaryn aıaqtaý tapsyryldy.
sonymen qatar ǵylymı jáne ǵylymı-zertteý jumystaryn júrgizý rásimderiniń barlyǵyn sıfrlandyrý mindeti qoıyldy.
Premer-mınıstr tıisti platforma qazir jumys istep turǵanyna nazar aýdardy. Memlekettik organdardy, kvazımemlekettik sektor men jer qoınaýyn paıdalanýshylardy qosý qajet. Nátıjesinde, bul otandyq ınovasıalyq ázirlemelerge degen suranysty arttyryp, olardyń halyqaralyq naryqtarǵa shyǵýyna yqpal etedi.
