Densaýlyq saqtaý ministrligi "Himfarm" AQ, "Johnson & Johnson Kazakhstan" JShS jáne "AstraZeneka Qazaqstan" JShS siiaqty jetekshi farmatsevtikalyq kompaniialarmen yntymaqtastyq týraly memorandýmdarǵa qol qoidy. Kelisimder birqatar qymbat jáne áleýmettik mańyzy bar preparattardyń baǵasyn tómendetýge baǵyttalǵan, dep habarlaidy Dalanews.kz.
"Jetekshi otandyq jáne sheteldik farmatsevtikalyq kompaniialarmen memorandýmdar jasasý bizdiń syndarly ózara is-qimyl men áleýmettik jaýapkershilikke jalpy daiyndyǵymyzdy kórsetedi. Mundai bastamalar farmatsevtikalyq naryqtaǵy turaqtylyqty nyǵaitýǵa, patsientterdiń qazirgi zamanǵy preparattarǵa qoljetimdiligin keńeitýge, sondai-aq investitsiialyq ahýaldy damytýǵa jáne óndiristi oqshaýlaýǵa yqpal etetinine senimdimiz", - dep atap ótti Densaýlyq saqtaý ministri Aqmaral Álnazarova qujatqa qol qoiǵannan keiin.
Kelisim sheńberinde "AstraZeneka" bólshek jáne kóterme saýdada ótkizý úshin birqatar ómirlik mańyzdy preparattardyń baǵasyn tómendetýdi josparlap otyr, bul azamattardyń qajetti dári-dármektermen qamtamasyz etilýin arttyrýǵa jáne halyqtyń innovatsiialyq terapiiaǵa qoljetimdiligin ulǵaitýǵa múmkindik beredi.
Johnson & Johnson kompaniiasymen memorandým sheńberinde julynnyń bulshyqet atrofiiasyn – sirek kezdesetin, biraq progressivti jáne ómirge qaýip tóndiretin aýrýdy emdeý úshin qoldanylatyn Spinraza (Nýsinersen) preparatynyń baǵa saiasatyn qaita qaraý týraly kelisimge qol jetkizildi.
Áleýmettik mańyzy bar preparattarǵa baǵanyń tómendeýi memlekettik shyǵystardy ońtailandyrýǵa múmkindik beredi jáne qymbat terapiiaǵa muqtaj patsientterdi neǵurlym ornyqty dárilik qamtamasyz etýdi qamtamasyz etedi.
Budan basqa, memorandým innovatsiialar, úzdik tájiribelermen almasý, qarjylandyrý tetikterin damytý jáne densaýlyq saqtaý salasyndaǵy zańnamany jetildirý jóninde usynystar ázirleý máselelerinde taraptardyń yntymaqtastyǵyn kózdeidi.
Taǵy bir mańyzdy qadam "Himfarm" AQ-men memorandýmǵa qol qoiý boldy. Kompaniia 2 tipti qant diabetin emdeý úshin qoldanylatyn Dapagliflozin preparatynyń satyp alý baǵasyn tómendetýge daiyn ekenin rastady. Bul álemdegi eń kóp taralǵan infektsiialyq emes aýrýlardyń biri, Qazaqstanda 520 myńnan astam adam qant diabetimen aýyrady, onyń 492 335-i 2 tipti QD-ǵa keledi.
Bul aýrý ártúrli asqynýlardyń, júrek-qan tamyrlary patologiialarynyń, soqyrlyqtyń, búirek jetkiliksizdiginiń jalpy sebebi bolyp tabylady jáne emdeý, emdeýge jatqyzý, eńbekke qabilettiligin joǵaltý túrinde ósip kele jatqan áleýmettik-ekonomikalyq júktemeni týdyrady.
Memorandýmdarǵa kelesi erejeler de kiredi:
- ruqsat etilgen saýda ústemelerin saqtaý
baǵa dinamikasyn baqylaý
úzdik praktikalarmen almasý
innovatsiialyq preparattardy qarjylandyrý tetikterin damytý
dári-dármekpen qamtamasyz etý salasyndaǵy zańnamany jetildirý boiynsha usynystar ázirleý.
QR Densaýlyq saqtaý ministrligi farmatsevtikalyq naryqtyń barlyq qatysýshylaryn ult densaýlyǵyn nyǵaitýǵa jáne meditsinalyq kómektiń sapasyn arttyrýǵa yqpal etetin salany ornyqty, áleýmettik jaýapty damytý baǵytyn qoldaýǵa shaqyrady.
