Qazaqstan kásiporyndary iskerlik belsendilikti qalpyna keltire otyryp, óz jumysshylaryna kóp nazar bóle bastady. Sonyń negizinde bıylǵy jyly naqty jalaqy kóleminiń ósimin ekonomıka salalarynyń 48%-y sezdi (45 sala). Bir jyl buryn bul kórsetkish 35% bolatyn (33 sala), dep habarlaıdy Baq.kz portaly energyprom.kz sarapshylaryna silteme jasap.

Qazaqstan ekonomıkasynda naqty ortasha aılyq jalaqy ósimi jumysqa ornalastyrý salasynda tirkelip otyr – byltyrǵy jyldyń qańtar-naýryz aılarymen salystyrǵanda, bıyl sala mamandarynyń jalaqysy birden 100,8 myń teńgege nemese 30%-ke ósti. Al saladaǵy naqty jalaqy ósimi, ınflásıany eskergende, 20,2%-ke artqan.

Naqty jalaqy ósimi boıynsha úzdik úshtik qatarynda qubyrlar arqyly tasymal jumysymen aınalysatyn kásiporyndar bar. Bıyldan beri jumysshylarǵa tólenetin aqy byltyrǵy sáıkes merzimmen salystyrǵanda 95,4 myń teńgege ósken.

Úzdik úshtikti kompúter men turmystyq tehnıka jóndeý uıymdary bekitip otyr. Ondaǵy jalaqy bir jyl ishinde 77 myń teńgege nemese 51%-ke kóbeıgen.

Bıylǵy jyly eń joǵary jalaqyny teńiz nemese jaǵadaǵy júk kólikterinde jumys isteıtinder alatyny anyqtaldy (661,2 myń teńge, bul kórsetkish byltyrǵymen salystyrǵanda 6%-ke azaıǵan). Sonymen qatar sý kóligi kásiporyndarynda (569,5 myń teńge) jáne iri kompanıalarda isteıtin jumysshylar da jap-jaqsy jalaqymen (454 myń teńge) qamtylǵan.