Energetika vitse-ministri Suńǵat Esimhanov jeke úilerdiń ieleri kún batareialarynan aqsha tabýyna bolatynyn aitady. Alaida olar bul týraly áli kóp bile bermeidi nemese oǵan degen qatty qyzyǵýshylyǵy joq. Óitkeni mundai tásildi qoldanýshylar elimizde áli az eken, dep habarlaidy Dalanews.kz.
Vitse-ministr Qazaqstandaǵy jeke úilerdiń turǵyndary men kásipkerler shatyrǵa nemese jer ýchaskesine kún batareialaryn ornata alatynyn jetkizdi.
"Ótken jyly biz zańnamany jańarttyq. Qarapaiym tilmen aitqanda: jeke úidiń turǵyny shatyryna 200 kilovattyq kún batareiasyn ornata alady. Onyń 100-in ózi tutynyp, al qalǵan 100-in jelige sata alady jáne energiia tasymaldaýshy kompaniia ony osy saladaǵy ortasha tarif boiynsha satyp alýǵa mindetti. Bul óte tiimdi tetik", - dedi Suńǵat Esimhanov.
Ol jeke úilerde ornatylǵan osyndai batareialar sany áli az ekenin aitady. Munymen shaǵyn biznes ókilderi áldeqaida belsendi ainalysady. Ótken jyly halyq pen shaǵyn biznestiń ornatqan kún panelderiniń qýaty eki eseden astamǵa ósti. Bilik ákimdikterdiń kómegimen osyndai qoldaýdy odan ári damytyp, keńeitýdi josparlap otyr.
2024 jyldyń sońyndaǵy jaǵdai boiynsha, Qazaqstanda jalpy qýaty 3 032 MVt bolatyn 153 JEK obektisi jumys isteidi, bul eldegi elektr energiiasyn óndirýdiń jalpy kóleminiń 6,43%-yn qamtamasyz etýge múmkindik berýde.
