Búgin, 2025 jyly 29 qyrkúiekte Astanada aqsha aiyrbas oryndarynda 1 AQSh dollary 550 teńgeden satylyp, psihologiialyq shekti igerdi. Al KASE-degi túsken keiingi saýda-sattyq qorytyndysy boiynsha, amerikalyq valiýtanyń ortasha baǵamy 548,79 teńge bolyp, ol bir mezette 4,34 teńgege qymbattady, dep habarlaidy Dalanews.kz.
Qazaqstannyń minoritarlyq aktsionerler qaýymdastyǵy (QAMS) ulttyq valiýta qunynyń bulaisha álsireýin munai kotirovkalarynyń tómendeýi jáne KQK jumysynyń toqtaýymen bailanystyrady.
Aita ketsek, dúisenbide buǵan deiin jaqsaryp kele jatqan munai baǵasy quldyrap, Brent-tiń bir barreli 69,70 dollar (-0,6%), WTI 65,23 dollar (-0,8%) boldy. Buǵan Kúrdistannyń (Irak) Túrkiia arqyly shiki munai tasymalyn qaita jandandyrýy jáne OPEK+ uiymynyń qarasha aiynda óndiris kólemin ulǵaitý jospary áser etkeni de naqtylanady.
Bes kún buryn QR Energetika ministrligi Kaspii qubyr konsortsiýmynyń (KQK) teńiz terminaly arqyly qazaqstandyq munaidy tasymaldaý jáne tiep-jóneltý shtattyq rejimde júrip jatqanyn habarlaǵan. "Qubyrdyń qazaqstandyq ýchaskesinde tasymaldaýshy tarap munai qabyldaýdy da shekteýsiz atqarýda. Vedomstvo konsortsiým aktsionerlerimen bailanysta. Jaǵdai únemi baqylaýda", delingen sol kezdegi habarlamada. Al buǵan deiin KQK drondar shabýylyna ushyrap, kompaniianyń Novorossiiskidegi ákimshilik keńsesiniń jumysy ýaqytsha toqtatylǵany belgili.
Ulttyq Banktiń bekitken resmi baǵamyna sáikes, 1 AQSh dollarynyń quny tańerteń ǵana 544, 26 teńge bolǵan.
