Qazaqstanda 5,1 millionnan astam azamat óz atyna nesie rásimdeýge erikti túrde shekteý qoiǵan, dep habarlaidy Dalanews.kz.
Nege.Aqsha málimetinshe, "Stop-kredit" qyzmeti keiingi ýaqytta qarjylyq alaiaqtyqtan qorǵanýdyń tiimdi tetikteriniń birine ainalyp, turǵyndarǵa óz qarjysyn bógde adamdardyń zańsyz áreketinen aldyn ala saqtaýǵa múmkindik berip otyr.
Bul qyzmetti paidalaný úshin kez kelgen azamat egov.kz portaly nemese eGov Mobile qosymshasy arqyly ótinish bere alady. Ol úshin "Salyqtar jáne qarjy" bólimine kirip, tiisti qyzmetti tańdap, suranysty rastaý jetkilikti. Osydan keiin adamnyń kredittik tarihynda arnaiy belgi qoiylady. Mundai belgi bankter men mikroqarjy uiymdary úshin kórinip turady jáne olar nesie rásimdeý kezinde ony mindetti túrde eskeredi.
Eger qoiylǵan shekteýge qaramastan azamattyń atyna zańsyz nesie rásimdelse, ondai qaryz kúshin joiady. Sonymen qatar bul tyiymdy kez kelgen ýaqytta alyp tastaýǵa bolady. Degenmen shekteý barlyq uiymǵa birdei júre bermeidi. Máselen, kredittik biýrolarmen jumys istemeitin keibir uiymdarǵa, sonyń ishinde lombardtarǵa bul talap qoldanylmaidy.
