Gınnes rekordtar kitaby qazaqstandyq tenısshi Elena Rybakınanyń jetistigin resmı tirkedi, dep habarlaıdy Dalanews.kz.
Gınnes rekordtar kitaby tenıs tarıhyndaǵy eń iri syıaqyny alǵan qazaqstandyq tenısshi Elena Rybakınanyń nátıjesin resmı túrde tirkedi.
Er-Rıadta (Saýd Arabıasy) ótken WTA maýsymaralyq fınalynda jeńiske jetkeni úshin Rybakına 5,235 mıllıon AQSH dollaryn ıelendi.
Buǵan deıin birde-bir tenısshi nemese tenısshi qyz bir týrnırden mundaı kólemde syıaqy almaǵan. Aldyńǵy rekord Belarýs sportshysy Arına Sobolenko men ıspan tenısshisi Karlos Alkarasqa tıesili bolatyn – olar 2025 jyldyń qyrkúıeginde AQSH ashyq chempıonatynda 5 mıllıon dollardan alǵan edi.
