Tamyz aiynyń qorytyndysy boiynsha tólem kartalaryn paidalana otyryp, qolma-qol aqshasyz atqarylǵan tranzaktsiialardyń kólemi men sany artqan. Mamandar munyń jaǵymdy qubylys ekenin aitady,óitkeni ol qarjylyq ashyqtyqty qamtamasyz ete túsedi, dep habarlaidy Dalanews.kz.
2024 jyldyń tamyz aiynda qazaqstandyq emitentterdiń tólem kartochkalaryn paidalana júrgizilgen tranzaktsiialar kólemi 17,7 trln teńgege jetip, al sany 1,2 mlrd tranzaktsiiany qurady. 2023 jyldyń osyndai sáikes kezeńimen salystyrǵanda qolma-qol aqshasyz tranzaktsiialar sany 14,8%-ǵa ósip, kólemi 19,7%-ǵa artty, dep habarlaidy QR Ulttyq banki.
"Tólem kartochkalaryn ustaýshylardyń qolma-qol aqshany alý operatsiialarynyń sany 20,7 mln birlikti, kólemi 2,3 trln teńgeni qurady. 2023 jyldyń osyndai ýaqyt aralyǵymen salystyrǵanda aqsha sheshý operatsiialarynyń sany 1,9%-ǵa túsip, kólemi 10,6%-ǵa artty", delingen QR Ulttyq banktiń habarlamasynda.
Aita ketsek, 2024 jyly qańtar-tamyz ailarynda qolma-qol aqshasyz operatsiialar sany 8,2 mlrd-tan asty nemese ótken jyldyń osy kezeńimen salystyrǵanda (7,2 mlrd) 13,82% -ǵa artyq. Sonymen qatar, qarastyrylyp otyrǵan kezeńde qolma-qol aqsha boiynsha operatsiialar sany da ósken: 2024 jyly qańtar-tamyz ailarynda - 163 mln tranzaktsiia, al 2023 jyldyń osy kezeńinde bul kórsetkish 159,3 mln tranzaktsiiany quraǵan bolatyn,bul aradaǵy ósim - 2,3%.
QR Ulttyq banktiń málimetinshe, el aýmaǵynda qolma-qol aqshasyz operatsiialardyń negizgi úlesi internet/mobildi banking (qolma-qol jasalmaityn operatsiialardyń jalpy sany, kóleminen sáikesinshe 80,3% jáne 90,3%) jáne POS-terminaldar (qolma-qol jasalmaityn operatsiialardyń jalpy sany, kóleminen sáikesinshe 19,6% jáne 9,4%) arqyly júrgizildi.
"Qolma-qol aqshany berý operatsiialary negizinen bankomattar arqyly júzege asyrylǵan (qolma-qol aqshany berý boiynsha operatsiialardyń jalpy sany men kóleminen sáikesinshe 98,3% jáne 85,2%)", delingen habarlamada.
Aita ketsek, 2024 jylǵy 1 qyrkúiektegi jaǵdai boiynsha bankterdiń ainalymdaǵy kartochkalarynyń sany 79,0 mln-ǵa jetti. Keńinen taralǵan kartochkalar túri debettik kartochkalar bolyp tabylady, olardyń úlesi -80,0%, ekinshi oryndaǵy kredittik kartochkalardyń úlesi – 15,8%. Kredittik limiti bar debettik kartochkalar men aldyn ala aqysy tólengen kartochkalardyń úlesine sáikesinshe 4,2% tiesili.
