Qazaqstandaǵy "Elektrondy qarjy ortalyǵy" AQ-nyń (TsEF) qyzmetine júrgizilgen memlekettik aýdit qorytyndysy boiynsha 566 mln teńge kóleminde qarjylai buzýshylyqtar anyqtaldy. Bul týraly Joǵary aýditorlyq palata málimdedi, dep habarlaidy Dalanews.kz.
JAP málimetinshe, aýdit barysynda memlekettik qarjy salasyndaǵy aqparattyq júielerdi damytý jáne súiemeldeý jumystarynyń tiimdiligi baǵalanǵan.
Sonymen qatar 13,5 mlrd teńge kóleminde qarajatty tiimsiz josparlaý jáne paidalaný faktileri tirkeldi.
Aýdit nátijesinde jedel nazar aýdarýdy jáne túzetý sharalaryn qajet etetin birqatar eleýli kemshilikter men problemaly tustar anyqtaldy. Atap aitqanda, strategiialyq basqarý salasynda olqylyqtar bar: 2023–2024 jyldarǵa arnalǵan damý josparlarynyń oryndalýy týraly esepter joq, keibir nysanaly kórsetkishterge qol jetkizilmegen, al ishki aýdit qyzmetiniń is-sharalary ishinara nemese merziminen kesh júzege asyrylǵan.
Biýdjet protsesiniń integratory retindegi TsEF qyzmeti jalpy alǵanda qanaǵattanarlyq dep tanylǵanymen, uiymnyń ishki normativtik qujattarynyń jańartylmaýy onyń jumys tiimdiligin tómendetetini atap ótildi.
Aýdit barysynda TsEF qyzmet qunyn qalyptastyrýda ártúrli tásilderdi qoldanatyny anyqtaldy. Aýditorlar baǵa saraptamasyn júrgizýdi jáne jumystar men qyzmetterdi bólek esepke alý júiesin engizýdi usynyp otyr. Bul qate baǵa belgileý táýekelderin azaitýǵa múmkindik beredi.
Aqparattyq qaýipsizdik máselelerine de erekshe nazar aýdarylǵan. JAP málimetinshe, súiemeldeýde jáne senimgerlik basqarýda turǵan aqparattyq júielerde, sondai-aq "Elektrondyq kommertsiialyq satyp alýlar" júiesinde aqparattyq qaýipsizdiktiń negizgi talaptary buzylǵan. Keibir júieler resmi túrde tájiribelik paidalaný kezeńinde bola tura, tolyqqandy jumys rejiminde qoldanylyp keledi.
Sonymen qatar qoldanystaǵy keibir tsifrlyq platformalarǵa ruqsatsyz aralasý qaýpiniń alǵysharttary anyqtalǵan. Aýdit barysynda "Elektrondyq memlekettik satyp alýlar" júiesine 600-den astam tehnikalyq túzetý engizilgeni tirkeldi. Onyń ishinde jumys tájiribesi men ruqsat qujattaryn tekserýdi óshirgen ózgerister de bar. Osy baǵyttaǵy TsEF tásilderi jetildirýdi jáne baqylaýdy kúsheitýdi qajet etedi.
Memlekettik aqparattyq júielerdiń turaqty ári qaýipsiz jumysyn qamtamasyz etý úshin Qarjy ministrligine TsEF qyzmetine baqylaýdy kúsheitý usynyldy.
"Barlyq problemaly máseleler boiynsha Joǵary aýditorlyq palata tiisti usynymdar men tapsyrmalar ázirledi. Olardyń oryndalýy tolyq aiaqtalǵanǵa deiin baqylaýda bolady", – dep qorytyndylady aýditorlar.
