Elimizdegi qazirgi basty másele AES salý bolyp otyrǵany jasyryn emes. Qoǵamnyń barlyq múshesiniń pikirin eskerýge baǵyttalǵan referendýmǵa oblystaǵy elektrokar qurastyrýshylary sailaý ýchaskesinen tabyldy.
Jańa zamanǵy kólik qurastyrýshysy konstrýktor biýrosynyń basshysy Zakir Hamzin búginde óńir turǵyndarynyń elektrokarǵa degen suranystyń artyp kele jatqanyn aitady. Oblys ortalyǵyndaǵy arnaiy orynǵa jinalǵan tokkólik qurastyrýshylary men tokkólik ieleri bir mezette ózderi tirkelgen sailaý ýchaskelerine attandy. Olardyń referendýmǵa qatysýy ekologiialyq saiasattyń jańa baǵyttaryn aiqyndaýǵa múmkindik beredi.
- Elimizde elektr qýatyna degen tapshylyq sezilýde. Tipti tokpen júretin kólikterge de qýat kózi kerek. Sol sebepti AES salý máselesi bizdi erekshe alańdatady. Sońǵy kezde elimizde ǵana emes, álemde elektrokarǵa degen suranys artyp jatyr. Al ol artyq energiiany talap etedi. Sondyqtan barlyq elektrokar ielerimen birigip, óz tańdaýymyzdy jasaýǵa jinaldyq. Elimizdegi ár azamattyń pikiri mańyzdy,-deidi konstrýktor biýrosynyń bas injeneri Aleksei Fedenev.
Referendýmda elektrokar ieleri óz kólikteriniń artyqshylyqtaryn, ekologiialyq aspektilerin jáne kólik infraqurylymyn damytý boiynsha usynystaryn da jetkizdi. Elektromobil ieleri óz daýysyn berip, memleket tarapynan elektromobilderdi qoldaý baǵdarlamalaryn kúsheitýdi surady.
Daýys berý barysynda kóptegen elektrokar ieleri ekologiialyq taza kólikterdi qoldaýǵa arnalǵan salyqtyq jeńildikter men elektr zariadtaý stantsiialarynyń sanynyń artýy jónindegi usynystaryn bildirdi.
Bul bastamalar ekologiialyq taza kóliktiń paidalanylýyn arttyrýǵa jáne elimizdiń ekologiialyq jaǵdaiyn jaqsartýǵa sep bolary sózsiz.
Referendýmnyń nátijeleri jaqyn ýaqytta jariialanady, al elektrokar ieleriniń belsendiligi elimizdiń bolashaǵyna áser etetin ekologiialyq sheshimderdiń qabyldanýyna yqpal etetinine senim mol.
Nadejda Esetova
