ەلىمىزدەگى قازىرگى باستى ماسەلە اەس سالۋ بولىپ وتىرعانى جاسىرىن ەمەس. قوعامنىڭ بارلىق مۇشەسىنىڭ پىكىرىن ەسكەرۋگە باعىتتالعان رەفەرەندۋمعا وبلىستاعى ەلەكتروكار قۇراستىرۋشىلارى سايلاۋ ۋچاسكەسىنەن تابىلدى.
جاڭا زامانعى كولىك قۇراستىرۋشىسى كونسترۋكتور بيۋروسىنىڭ باسشىسى زاكير حامزين بۇگىندە ءوڭىر تۇرعىندارىنىڭ ەلەكتروكارعا دەگەن سۇرانىستىڭ ارتىپ كەلە جاتقانىن ايتادى. وبلىس ورتالىعىنداعى ارنايى ورىنعا جينالعان توككولىك قۇراستىرۋشىلارى مەن توككولىك يەلەرى ءبىر مەزەتتە وزدەرى تىركەلگەن سايلاۋ ۋچاسكەلەرىنە اتتاندى. ولاردىڭ رەفەرەندۋمعا قاتىسۋى ەكولوگيالىق ساياساتتىڭ جاڭا باعىتتارىن ايقىنداۋعا مۇمكىندىك بەرەدى.
- ەلىمىزدە ەلەكتر قۋاتىنا دەگەن تاپشىلىق سەزىلۋدە. ءتىپتى توكپەن جۇرەتىن كولىكتەرگە دە قۋات كوزى كەرەك. سول سەبەپتى اەس سالۋ ماسەلەسى ءبىزدى ەرەكشە الاڭداتادى. سوڭعى كەزدە ەلىمىزدە عانا ەمەس، الەمدە ەلەكتروكارعا دەگەن سۇرانىس ارتىپ جاتىر. ال ول ارتىق ەنەرگيانى تالاپ ەتەدى. سوندىقتان بارلىق ەلەكتروكار يەلەرىمەن بىرىگىپ، ءوز تاڭداۋىمىزدى جاساۋعا جينالدىق. ەلىمىزدەگى ءار ازاماتتىڭ پىكىرى ماڭىزدى،-دەيدى كونسترۋكتور بيۋروسىنىڭ باس ينجەنەرى الەكسەي فەدەنيەۆ.
رەفەرەندۋمدا ەلەكتروكار يەلەرى ءوز كولىكتەرىنىڭ ارتىقشىلىقتارىن، ەكولوگيالىق اسپەكتىلەرىن جانە كولىك ينفراقۇرىلىمىن دامىتۋ بويىنشا ۇسىنىستارىن دا جەتكىزدى. ەلەكتروموبيل يەلەرى ءوز داۋىسىن بەرىپ، مەملەكەت تاراپىنان ەلەكتروموبيلدەردى قولداۋ باعدارلامالارىن كۇشەيتۋدى سۇرادى.
داۋىس بەرۋ بارىسىندا كوپتەگەن ەلەكتروكار يەلەرى ەكولوگيالىق تازا كولىكتەردى قولداۋعا ارنالعان سالىقتىق جەڭىلدىكتەر مەن ەلەكتر زاريادتاۋ ستانسيالارىنىڭ سانىنىڭ ارتۋى جونىندەگى ۇسىنىستارىن ءبىلدىردى.
بۇل باستامالار ەكولوگيالىق تازا كولىكتىڭ پايدالانىلۋىن ارتتىرۋعا جانە ەلىمىزدىڭ ەكولوگيالىق جاعدايىن جاقسارتۋعا سەپ بولارى ءسوزسىز.
رەفەرەندۋمنىڭ ناتيجەلەرى جاقىن ۋاقىتتا جاريالانادى، ال ەلەكتروكار يەلەرىنىڭ بەلسەندىلىگى ەلىمىزدىڭ بولاشاعىنا اسەر ەتەتىن ەكولوگيالىق شەشىمدەردىڭ قابىلدانۋىنا ىقپال ەتەتىنىنە سەنىم مول.
نادەجدا ەسەتوۆا
