«Alataý Jaryq Kompaniiasy» AQ Almatyda elektr energiiasy úshin bereshekti óndirip alý boiynsha jumysty kúsheitýde. 2025 jylǵy 12 mamyrdan bastap «AJK» – «EnergoSbyt» AQ filialy merzimi ótken tólemderi bar tutynýshylarǵa qatysty elektrmen jabdyqtaýdy shekteý sharalaryn kezeń-kezeńimen engizýdi bastaidy,- dep habarlaidy Dalanews.kz
Is-sharalar kún saiyn saǵat 7:00-den 20:00-ge deiin ótkiziledi jáne tek qaryzdary bar mekenjailarǵa áser etedi. Elektrmen jabdyqtaý qaryzdy tolyq tólegenge deiin ýaqytsha toqtatylady. Boryshkerlermen ózara is-qimyl múlik ieleriniń birlestikteri (MIB) jáne turǵyn úi kooperativteri arqyly júzege asyrylady, bul adal tutynýshylar úshin qolaisyzdyqty barynsha azaitýǵa múmkindik beredi.
AJK elektr energiiasyn berýdi ýaqytsha shekteý shart talaptaryn buzatyn tutynýshylarǵa qatysty eń tiimdi sharalardyń biri bolyp tabylatynyn atap ótti. Ýaqtyly eseptemeý debitorlyq bereshektiń ósýine ákeledi.
Búgingi tańda Almatyda tutynýshylar arasyndaǵy jiyntyq bereshek 1,2 milliard teńgeni quraidy.
Abonentterge bereshektiń bar-joǵyn aldyn ala tekserip, aqparatty naqtylaý úshin óz MIB-terine nemese 356-99-99 nómiri boiynsha Biryńǵai bailanys ortalyǵyna tikelei júginý usynylady.
