Kóptegen mańyzdy naqty máselerdiń sheshý joldary aityldy. Aitylǵan máseler boiynsha «Is-sharalar jospary» qabyldanǵan kezde oryndaýǵa Úkimet, jergilikti atqarýshy organdarmen birge búkil qoǵam bolyp atsalysatyna senimdimiz. «Nur Otan» partiiasy jurt bolyp jumylǵan tirlikten eshqashan qalys qalǵan emes. Partiianyń qoǵamdyq qabyldaýy arqyly halyqpen keri bailanys ornatyp, 2021 jyly Túrkistan oblystyq partiia filialynyń qoǵamdyq qabyldaýyna 22,6 myń ótinish tússe, onyń 70 paiyzy oń sheshilgen.
Qazaqstan boiynsha 800 myńdai partiia múshesi bolsa sonyń 80 myńdaiy Túrkistan oblysyna tiesili. Búginde partiia músheleri elde bolǵan lańkestikten abyrjyǵan turǵyndarǵa basý aityp Bastaýysh partiia uiymdary halyqty sabyrǵa shaqyrýda.
Otbasy qundylyqtary, zańnyń ústemdigi negizgi qundylyq «Táýelsizdik» ekeni partiia músheleriniń árqashan jadynda. Partiia qoǵamnyń barlyq sanattary men biliktiń arasyndaǵy kópir bolǵandyqtan kúni keshegi keleńsiz jaǵdaida halyq qalaýlylary eldiń talaptaryn bilikpen qatar tyńdap, sheshý joldaryn birlese qarastyrýda.
Arystaǵy jarylysta, Maqtaraaldaǵy eldi mekenderdi sý alǵanda partiia músheleri aldyńǵy shepten kórindi. Pandemiia kezinde partiia músheleri partiianyń «Biz birgemiz» qorynan berilgen kemekterdi eriktiler toby úi-úidi aralap, eleýli jumys jasady. Sol kezeńderde partiia músheleri óz densaýlyqtaryn oilaǵan joq.
Búginde oblys ákiminiń bastamasymen Túrkistan oblysynda «Halyq saqshylary» jasaqshy toptary quryldy.
Túrkistan oblysy ákimi Ó.Shókeevtiń óńirdegi qoǵamdyq saiasi ahýaldy tyńǵylyqty zerdeleýiniń jáne tez arada tiisti organdardy jumyldyrýdyń arqasynda oblysta búlikshilik jáit oryn almady. Eldiń tynyshtyǵy beibit ómir adam densaýlyǵy bárinen qymbat.
Turaqtylyq birlikke ábden bailanysty ekenine bárimizdiń kózimiz jetti. Elge jasalǵan lańkestik oqiǵa bizdi qaita shiryqtyryp shirata tústi. «Almaty tragediiasy» elimiz úshin umytylmas sabaq boldy.
Búgingi Memleket Basshysynyń Úndeýinen jańa qadamdar jasap táýelsizdikti saqtaýdyń el damýynyń jańa naqty tuǵyryna aiaq basqanymyzdy ańǵarýdamyz. Naqtylyq bar jerde tiimdilik bar.
Keden máselesine mai shammen taldaý jasaý degendi estigende óz basym qýanyp qaldym. Osyǵan qaraǵanda Memleket basshysy kópten beri ekonomikany damytýdyń sheshimderin zerdelegeni kórinip tur. Halyqqa keregi ádiletti áleýmettik saiasat. Biz partiia músheleri jas býynnyń boiyndaǵy patriottyq immýnitetti nyǵaitýǵa kúsh salýymyz asa mańyzdy. Bizdiń eldigimizdiń belgisin otanshyldyq tirligimiz kórsetedi. Jańa qazaqstandy birge qurýǵa atsalysý bárimizdiń azamattyq paryzymyz!
Qalyima JANTÓREEVA, «Nur Otan» partiiasy Túrkistan oblystyq filialy tóraǵasynyń orynbasary, Túrkistan oblystyq máslihat depýtaty.
