كوپتەگەن ماڭىزدى ناقتى ماسەلەردىڭ شەشۋ جولدارى ايتىلدى. ايتىلعان ماسەلەر بويىنشا «ءىس-شارالار جوسپارى» قابىلدانعان كەزدە ورىنداۋعا ۇكىمەت، جەرگىلىكتى اتقارۋشى ورگاندارمەن بىرگە بۇكىل قوعام بولىپ اتسالىساتىنا سەنىمدىمىز. «Nur Otan» پارتياسى جۇرت بولىپ جۇمىلعان تىرلىكتەن ەشقاشان قالىس قالعان ەمەس. پارتيانىڭ قوعامدىق قابىلداۋى ارقىلى حالىقپەن كەرى بايلانىس ورناتىپ، 2021 جىلى تۇركىستان وبلىستىق پارتيا فيليالىنىڭ قوعامدىق قابىلداۋىنا 22،6 مىڭ ءوتىنىش تۇسسە، ونىڭ 70 پايىزى وڭ شەشىلگەن.
قازاقستان بويىنشا 800 مىڭداي پارتيا مۇشەسى بولسا سونىڭ 80 مىڭدايى تۇركىستان وبلىسىنا تيەسىلى. بۇگىندە پارتيا مۇشەلەرى ەلدە بولعان لاڭكەستىكتەن ابىرجىعان تۇرعىندارعا باسۋ ايتىپ باستاۋىش پارتيا ۇيىمدارى حالىقتى سابىرعا شاقىرۋدا.
وتباسى قۇندىلىقتارى، زاڭنىڭ ۇستەمدىگى نەگىزگى قۇندىلىق «تاۋەلسىزدىك» ەكەنى پارتيا مۇشەلەرىنىڭ ءارقاشان جادىندا. پارتيا قوعامنىڭ بارلىق ساناتتارى مەن بيلىكتىڭ اراسىنداعى كوپىر بولعاندىقتان كۇنى كەشەگى كەلەڭسىز جاعدايدا حالىق قالاۋلىلارى ەلدىڭ تالاپتارىن بيلىكپەن قاتار تىڭداپ، شەشۋ جولدارىن بىرلەسە قاراستىرۋدا.
ارىستاعى جارىلىستا، ماقتاراالداعى ەلدى مەكەندەردى سۋ العاندا پارتيا مۇشەلەرى الدىڭعى شەپتەن كورىندى. پاندەميا كەزىندە پارتيا مۇشەلەرى پارتيانىڭ «Biz birgemiz» قورىنان بەرىلگەن كەمەكتەردى ەرىكتىلەر توبى ءۇي-ۇيدى ارالاپ، ەلەۋلى جۇمىس جاسادى. سول كەزەڭدەردە پارتيا مۇشەلەرى ءوز دەنساۋلىقتارىن ويلاعان جوق.
بۇگىندە وبلىس اكىمىنىڭ باستاماسىمەن تۇركىستان وبلىسىندا «حالىق ساقشىلارى» جاساقشى توپتارى قۇرىلدى.
تۇركىستان وبلىسى اكىمى ءو.شوكەيەۆتىڭ وڭىردەگى قوعامدىق ساياسي احۋالدى تىڭعىلىقتى زەردەلەۋىنىڭ جانە تەز ارادا ءتيىستى ورگانداردى جۇمىلدىرۋدىڭ ارقاسىندا وبلىستا بۇلىكشىلىك ءجايت ورىن المادى. ەلدىڭ تىنىشتىعى بەيبىت ءومىر ادام دەنساۋلىعى بارىنەن قىمبات.
تۇراقتىلىق بىرلىككە ابدەن بايلانىستى ەكەنىنە ءبارىمىزدىڭ كوزىمىز جەتتى. ەلگە جاسالعان لاڭكەستىك وقيعا ءبىزدى قايتا شيرىقتىرىپ شيراتا ءتۇستى. «الماتى تراگەدياسى» ەلىمىز ءۇشىن ۇمىتىلماس ساباق بولدى.
بۇگىنگى مەملەكەت باسشىسىنىڭ ۇندەۋىنەن جاڭا قادامدار جاساپ تاۋەلسىزدىكتى ساقتاۋدىڭ ەل دامۋىنىڭ جاڭا ناقتى تۇعىرىنا اياق باسقانىمىزدى اڭعارۋدامىز. ناقتىلىق بار جەردە تيىمدىلىك بار.
كەدەن ماسەلەسىنە ماي شاممەن تالداۋ جاساۋ دەگەندى ەستىگەندە ءوز باسىم قۋانىپ قالدىم. وسىعان قاراعاندا مەملەكەت باسشىسى كوپتەن بەرى ەكونوميكانى دامىتۋدىڭ شەشىمدەرىن زەردەلەگەنى كورىنىپ تۇر. حالىققا كەرەگى ادىلەتتى الەۋمەتتىك ساياسات. ءبىز پارتيا مۇشەلەرى جاس بۋىننىڭ بويىنداعى پاتريوتتىق يممۋنيتەتتى نىعايتۋعا كۇش سالۋىمىز اسا ماڭىزدى. ءبىزدىڭ ەلدىگىمىزدىڭ بەلگىسىن وتانشىلدىق تىرلىگىمىز كورسەتەدى. جاڭا قازاقستاندى بىرگە قۇرۋعا اتسالىسۋ ءبارىمىزدىڭ ازاماتتىق پارىزىمىز!
قالىيما جانتورەيەۆا، «Nur Otan» پارتياسى تۇركىستان وبلىستىق فيليالى ءتوراعاسىنىڭ ورىنباسارى، تۇركىستان وبلىستىق ءماسليحات دەپۋتاتى.
