Elbasy: «Túrkistanǵa baryńyzdar, kórińizder!»
Qazaqstan halqy Assambleiasynyń XXIX sessiiasynda QR Tuńǵysh Prezidenti – Elbasy, QHA Tóraǵasy Nursultan Nazarbaev Túrkistan oblysyn qurý týraly qabyldaǵan sheshiminen keiin jańa dáýiri bastalǵan Túrkistandy baryp, kórýge keńes berdi.
– Eki jyldan astam ýaqyt ótti. Eger Túrkistanda bolmasańyz, qazirgi qalanyń qalai ózgergenin kórýge kelińiz. Elimizdiń astanasynan keiin boi kótergen jańa qala boldy. Bul – elimizdiń zor múmkindikteriniń taǵy bir dáleli. Jańarǵan Túrkistany kórgenderdiń barlyǵy tań qalýda. Bul – mádeniet ortalyǵy, respýblikamyzdyń ortalyǵy. Elimizdiń ońtústigindegi taǵy bir gúldengen qala. Jaqynda, meniń bastamammen ótken túrkitildes memleketterdiń yntymaqtastyq keńesi sammitiniń qorytyndysy boiynsha Túrkistan resmi túrde túrki áleminiń rýhani astanasy bolyp jariialandy, –dedi dedi Nursultan Nazarbaev.
Elbasynyń tóraǵalyǵymen Qazaqstan halqy Assambleiasynyń «Birliktiń, tatýlyq pen kelisimniń 30 jyly» atty XXIX sessiiasy ótti. QR Tuńǵysh Prezidenti-Elbasy, QHA Tóraǵasy Nursultan Nazarbaevtyń tóraǵalyǵymen ótken sessiia jumysyna Memleket basshysy Qasym-Jomart Toqaev jáne onlain formatta 550-den astam adam qatysty. Olardyń qatarynda barlyq óńirlerden kelgen Assambleia músheleri, respýblikalyq jáne óńirlik etnomádeni birlestikterdiń tóraǵalary, Parlament depýtattary, ortalyq atqarýshy organdardyń, saiasi partiialardyń, dini birlestikterdiń basshylary, ÚEU, ǵylymi, shyǵarmashylyq ziialy qaýym jáne BAQ ókilderi bar. Sessiia barysynda Elbasy Assambleianyń aldyna qoǵamdyq kelisim men ulttyq birlikti odan ári nyǵaitý boiynsha naqty mindetter qoidy. Sessiiada QHA músheleri, etnomádeni birlestikteriniń basshylary, aimaqtardan kelgen delegattar, jumysshy ókilderi, sport, azamattyq qoǵam ókilderi, jastar sóz sóiledi.
