Elbasy Túrkistandaǵy maqta zaýytyna qandai qoldaý kórsetti?
– Aýyzdy qý shóppen súrtýge bolmady. Memleket tarapynan qoldaýdy kórip kelemiz. Sonyń ishinde bólip aitatyny 2012 jyly Memleket basshysy Nursultan Nazarbaev bizdiń oblysymyzǵa jumys saparmen kelegende zaýyttyń jumysymen tanysqan bolatyn. Sol kezde jumysymyzdy oń baǵalaǵan Elbasy Úkimetke qoldaý kórsetý týrasynda tapsyrma bergen edi. Sol kezde statistika boiynsha, Qazaqstanda meditsinalyq maqtany tutynýdyń ai saiynǵy kólemi 40-45 tonnany quraityn. 2012 jyly Úkimet Qazaqstan aýmaǵyna Ózbekstannan 1 keli meditsinalyq maqta keletin bolsa, oǵan 38 eýro kedendik baj salyǵy qosylatyny týraly Jarlyq shyǵaryp, otandyq óndiriske úlken qoldaý jasady.
Mine, osy Jarlyqtyń arqasynda Qazaqstanda meditsinalyq maqta shyǵarý isimen ainalysatyn kásiporyndar paida boldy. Ókinishke qarai, búginde sol Jarlyqtyń merzimi aiaqtalyp, kúshi joiyldy. Bul jaǵdai óz kezeginde Qazaqstannyń kásiporyndaryna keri áserin tigize bastady. Bizder atalǵan Jarlyqtyń merzimin uzartý bolmasa osyǵan uqsas jańa qujat qabyldaý týrasynda Úkimetke hat jazyp, óz usynysymyzdy aittyq. Bul rette bizge Túrkistan oblysy ákimdigi de qoldaý kórsetkenin aita ketýimiz kerek, – dedi kásiporyn basshysy.
Dál qazir maqta zaýyt jumysyn jandandyrý úshin 2012 jyly qabyldaǵan Jarlyqqa uqsas qujattyń qabyldaýdyń mańyzy zor ekenin baiqadyq.
Dalanews.kz
