Elbasy tapsyrmasy aiasynda: Kentaýda 285 sporttyq-buqaralyq is-sharalar ótkizildi
Memleket basshysynyń atqarýshy bilikke alty jyl buryn bergen tapsyrmasy Kentaýda da tiianaqty qoldaý tapqan. Kendi shaharda kúni keshe qos birdei sporttyq alańsha ashylǵan bolatyn. Barlyq talapqa sai salynǵan sporttyq nysanda alǵashqy oiyn – fýtbol oinalǵan edi.
Qazirgi tańda Kentaýda sportpen júieli túrde ainalysýshylar sany 56700 adamdy, turǵyndardyń 28,3% qurady. 285 sporttyq-buqaralyq is-sharalar ótkizilip, 21263 adam qamtyldy.
2018 jyldyń 10 aiynda qalamyzdyń sportshylary 45 oblystyq, 18 Respýblikalyq, 7 Halyqaralyq, 10 Qazaqstan Respýblikasy chempionattaryna jáne 1 Aziia Chempionatyna, 2 Álem Chempionatyna qatysyp, júldeli oryndarǵa ie boldy.
Aita ketý kerek, buǵan deiin kendi ólkede monoqala baǵdarlamasy aiasynda 6 sporttyq alańsha paidalanýǵa berildi. Memleketten qoldaý tapqan kásipkerler bolsa, 4 nysandy óz attarynan tartý etti. Sonymen, shaharda búginde sport mektepterinen bólek 10 sport alańshasy jumys isteidi.
Salaýatty ómir saltyn qalyptastyrý jáne buqaralyq sportty damytý maqsatynda Quralbaev stadionynda qaita jóndeý jumystary júrgizilýde. Joba boiynsha júgirý men sekirý jáne sporttyń ózge túrlerine arnalǵan alańdar daiyndalyp, fýtbol alańyna kók shóp egiledi.
