El basqaratyn tulǵa jeti jylda josparlaryn tolyq júzege asyra alady – depýtat
Konstitýtsiialyq reformalarǵa bailanysty saiasi ózgeristerdi ústimizdegi jyly ótken referendýmnyń logikalyq jalǵasy dep qabyldamaýymyz kerek.
«Men úshin memleket múddesi bárinen biik. Sondyqtan men ókilettik merzimimdi qysqartýǵa jáne kezekten tys Prezident sailaýyna barýǵa daiynmyn. Sondai-aq, men kóp oilanyp, Prezident ókilettigi merzimderiniń sanyn jáne uzaqtyǵyn qaita qaraý qajet degen bailamǵa keldim. Prezident mandatyn uzaqtyǵy 7 jyldyq bir merzimmen shekteýdi usynamyn. Biraq, qaita sailanýǵa tyiym salynady. Bul bastamanyń negizi qandai? Bir jaǵynan, 7 jyl – kez-kelgen aýqymdy baǵdarlamany júzege asyrý úshin jetkilikti kezeń. Ekinshi jaǵynan, Prezident mandatyn bir merzimmen shekteý Memleket basshysynyń jalpyulttyq damýdyń strategiialyq mindetterin sheshýge barynsha jumylýyn qamtamasyz etedi» - degen edi Prezident óz Joldaýynda.
Memleket basshysy eń alǵash prezidenttikke kelgen kezde halyqqa saiasi reformalardy kezeń-kezeńimen jasaimyz dep aitty ǵoi. Sol ýádesin, menińshe, is júzinde júzege asyryp keledi. Sony birinshi kezekte aitýymyz kerek. Sodan keiin 7 jyldyq merzim el, halyqtyń senimine ie bolǵan tulǵanyń memleket basqarýǵa kelgen 7 jyldyq merzimde maqsat-murattaryn, el basqarýdaǵy óziniń oiǵa alǵan joba-josparlaryn tolyq júzege asyrýǵa bolady dep aitýǵa bolady. Jáne mundai 7 jyldyq merzim basqarý ózge memleketterdiń konstitýtsiialarynda bar.
Kórshi Ózbekstan Respýblikasy óziniń saiasi konstitýtsiialyq reformalaryn jasaǵanda, 7 jyldyqtan eki jyldyqqa aýystyrdy. Halyqtyń narazylyǵy týyndady. Prezidenttiń ókilettiligin qysqartý, bilikti bir qolǵa uzaq merzimge berý diktatýraǵa alyp keledi deidi ishimizdegi saiasi kúshter. Sondyqtan bul ózgeristi saiasi, demoktariialyq jańǵyrýdyń, memleket basshysynyń oiǵa alǵan josparynyń júzege asyp jatqany dep qabyldadym.
Memleket basshysynyń naqty jeti jyldyq merzimge qatysty pozitsiiasy qoǵam tarapynan ásirese, memlekettiń túrli bilik tarmaqtary, jekelegen saiasi tulǵalar, túrli qoǵamdyq uiym músheleri, ásirese halyqaralyq sarapshylar tarapynan durys baǵalanyp jatqanyn biz basa aitýymyz kerek.
Aldaǵy kezeńderde osy qabyldanǵan sheshimge keiingi Prezidentter de baǵyna otyryp, qabyldaǵan konstitýtsiiany saqtaidy dep oilaimyz.
Janarbek ÁShIMJAN, QR Parlamenti Májilisiniń depýtaty.
