كونستيتۋسيالىق رەفورمالارعا بايلانىستى ساياسي وزگەرىستەردى ۇستىمىزدەگى جىلى وتكەن رەفەرەندۋمنىڭ لوگيكالىق جالعاسى دەپ قابىلداماۋىمىز كەرەك.
«مەن ءۇشىن مەملەكەت مۇددەسى بارىنەن بيىك. سوندىقتان مەن وكىلەتتىك مەرزىمىمدى قىسقارتۋعا جانە كەزەكتەن تىس پرەزيدەنت سايلاۋىنا بارۋعا دايىنمىن. سونداي-اق، مەن كوپ ويلانىپ، پرەزيدەنت وكىلەتتىگى مەرزىمدەرىنىڭ سانىن جانە ۇزاقتىعىن قايتا قاراۋ قاجەت دەگەن بايلامعا كەلدىم. پرەزيدەنت مانداتىن ۇزاقتىعى 7 جىلدىق ءبىر مەرزىممەن شەكتەۋدى ۇسىنامىن. ءبىراق، قايتا سايلانۋعا تىيىم سالىنادى. بۇل باستامانىڭ نەگىزى قانداي؟ ءبىر جاعىنان، 7 جىل – كەز-كەلگەن اۋقىمدى باعدارلامانى جۇزەگە اسىرۋ ءۇشىن جەتكىلىكتى كەزەڭ. ەكىنشى جاعىنان، پرەزيدەنت مانداتىن ءبىر مەرزىممەن شەكتەۋ مەملەكەت باسشىسىنىڭ جالپىۇلتتىق دامۋدىڭ ستراتەگيالىق مىندەتتەرىن شەشۋگە بارىنشا جۇمىلۋىن قامتاماسىز ەتەدى» - دەگەن ەدى پرەزيدەنت ءوز جولداۋىندا.
مەملەكەت باسشىسى ەڭ العاش پرەزيدەنتتىككە كەلگەن كەزدە حالىققا ساياسي رەفورمالاردى كەزەڭ-كەزەڭىمەن جاسايمىز دەپ ايتتى عوي. سول ۋادەسىن، مەنىڭشە، ءىس جۇزىندە جۇزەگە اسىرىپ كەلەدى. سونى ءبىرىنشى كەزەكتە ايتۋىمىز كەرەك. سودان كەيىن 7 جىلدىق مەرزىم ەل، حالىقتىڭ سەنىمىنە يە بولعان تۇلعانىڭ مەملەكەت باسقارۋعا كەلگەن 7 جىلدىق مەرزىمدە ماقسات-مۇراتتارىن، ەل باسقارۋداعى ءوزىنىڭ ويعا العان جوبا-جوسپارلارىن تولىق جۇزەگە اسىرۋعا بولادى دەپ ايتۋعا بولادى. جانە مۇنداي 7 جىلدىق مەرزىم باسقارۋ وزگە مەملەكەتتەردىڭ كونستيتۋسيالارىندا بار.
كورشى وزبەكستان رەسپۋبليكاسى ءوزىنىڭ ساياسي كونستيتۋسيالىق رەفورمالارىن جاساعاندا، 7 جىلدىقتان ەكى جىلدىققا اۋىستىردى. حالىقتىڭ نارازىلىعى تۋىندادى. پرەزيدەنتتىڭ وكىلەتتىلىگىن قىسقارتۋ، بيلىكتى ءبىر قولعا ۇزاق مەرزىمگە بەرۋ ديكتاتۋراعا الىپ كەلەدى دەيدى ىشىمىزدەگى ساياسي كۇشتەر. سوندىقتان بۇل وزگەرىستى ساياسي، دەموكتاريالىق جاڭعىرۋدىڭ، مەملەكەت باسشىسىنىڭ ويعا العان جوسپارىنىڭ جۇزەگە اسىپ جاتقانى دەپ قابىلدادىم.
مەملەكەت باسشىسىنىڭ ناقتى جەتى جىلدىق مەرزىمگە قاتىستى پوزيسياسى قوعام تاراپىنان اسىرەسە، مەملەكەتتىڭ ءتۇرلى بيلىك تارماقتارى، جەكەلەگەن ساياسي تۇلعالار، ءتۇرلى قوعامدىق ۇيىم مۇشەلەرى، اسىرەسە حالىقارالىق ساراپشىلار تاراپىنان دۇرىس باعالانىپ جاتقانىن ءبىز باسا ايتۋىمىز كەرەك.
الداعى كەزەڭدەردە وسى قابىلدانعان شەشىمگە كەيىنگى پرەزيدەنتتەر دە باعىنا وتىرىپ، قابىلداعان كونستيتۋسيانى ساقتايدى دەپ ويلايمىز.
جاناربەك ءاشىمجان، ق ر پارلامەنتى ءماجىلىسىنىڭ دەپۋتاتى.
