Polsha premer-ministri Donald Týsktyń málimdeýinshe, Reseidiń Ýkrainaǵa jasaǵan jappai zymyran shabýyly kezinde Polsha áýe keńistigi buzylǵan. Aldyn ala málimet boiynsha, el aýmaǵyna reseilik H-101 qanatty zymyrany túsken bolýy múmkin, dep habarlaidy dalanews.kz.
"Barlyq belgi onyń Reseidiń H-101 zymyrany ekenin kórsetip tur. Degenmen tergeý tolyq aiaqtalyp, barlyq derek naqtylanǵanǵa deiin asyǵys qorytyndy jasamaimyz", - dedi Týsk.
Onyń aitýynsha, oqiǵaǵa bailanysty Eýropa elderiniń basshylarymen bailanys ornatylǵan. Olar Polshaǵa tolyq qoldaý bildirip, qajet bolǵan jaǵdaida kez kelgen kómekti kórsetýge daiyn ekenin jetkizgen.
Bloomberg málimetinshe, bul jaǵdai NATO-ǵa múshe elder men Resei arasyndaǵy shielenisti odan ári kúsheitýi múmkin.
Eske salaiyq, buǵan deiin Polsha yqtimal qaýipke bailanysty áskeri joiǵysh ushaqtaryn áýege kótergen.
