El aǵalary Otyrarda
Elimizdiń kieli, qasietti jerlerin aralap, ishki týrizmdi keńinen nasihattaýdy maqsat tutqan delegatsiia quramynda «Aiǵaq» teleradio kompaniiasynyń Bas direktory Dýlat Ábish, Prezidenttiń kýrstasy, KSRO Memlekettik syilyǵynyń laýreaty Amanáli Ábdiramanov jáne de quramynda akademik, ǵylym doktorlary, elimizge eńbegi sińgen sýretshiler, din ókilderi, Shymkent qalasynyń Qurmetti azamattary bar mártebeli meimandardy Otyrar memlekettik arheologiialyq-qoryq mýzeiinde aýdan ákimi Erlan Aitahanov ózi kútip alyp, biylǵy jyly kúrdeli jóndeýden ótip, zamanaýi úlgide qaita jabdyqtalǵan murajai jádigerlerimen jan-jaqty tanystyrdy.
Munan soń Otyrar tóbege atbasyn burǵan qurmetti qonaqtar kóne shahardyń ótkeni men búgini jóninde qundy maǵlumattar aldy.
Elbasymyzdyń tapsyrmasyna sai óńirimizdegi týrizm klasterin damytý maqsatynda Otyrar tóbe men Arystanbab kesenesi tóńiregindegi qyzý júrgizilip jatqan kóriktendirý, abattandyrý jáne qurylys jumystarymen arnaiy stend arqyly delegatsiia múshelerine tanystyrǵan aýdan basshysy aldaǵy ýaqytta kásipkerlerdi tarta otyryp, kelgen týristerdiń kóńilinen shyǵatyn utymdy jobalardy júzege asyra beretindigin atap ótti.
Babtardyń baby Arystanbab kesenesine ziiarat jasap, babalar rýhyna Quran baǵyshtaǵan mártebeli meimandarǵa aýdan ákimi Erlan Qýanyshuly qazaqi dástúrge sai aýdanymyzdyń tarihy men shejiresinen syr shertetin tarihi qundy kitaptardy delegatsiia múshelerine tartý etip, olardyń odan ári jalǵasatyn saparlaryna sáttilik tiledi.
