Is-sharany QR Din isteri jáne azamattyq qoǵam ministrliginniń Din isteri komiteti uiymdastyrdy. Seminarǵa100-ge jýyq adam qatysty. Onyń ishinde QR Din isteri jáne azamattyq qoǵam ministrliginiń Din isteri komiteti basshylyǵy, QR Bilim jáne ǵylym ministrliginiń ókilderi, QR Ulttyq qaýipsizdik komiteti Terrorizmge qarsy ortalyǵynyń ókilderi, Mádenitetter men dinderdiń halyqaralyq ortalyǵy, óńirlik din isteri basqarmalary jáne Din problemalaryn zertteý ortalyǵynyń basshylary, aqparattyq-túsindirý tobynyń músheleri, barlyq óńirden ǵalymdar, teologtar, dintanýshylar qatysty.
Seminardyń birinshi kúni Din isteri komiteti tóraǵasynyń mindetin atqarýshy E.A Ońǵarbaev óz sózinde: «Ekstremizmmen kúrestiń basty quraly retinde aqparattyq túsindirý toptary jumystarynyń tiimdiligin arttyrý qajet», – dedi. Ol seminarda alǵan bilimdi óńirlerdegi arnaiy toptarmen jumys júrgizýde paidalanýdy usyndy.
Sondai-aq, «Ańsar» keńes berý-ońaltý ortalyǵynyń direktory A.Q. Sabdin QAJ mekemelerindegi sottalǵandar men destrýktivti dini aǵymdardyń qurbandaryn ońaltý taqyrybynda trening ótkizdi.
– Treningte de radikalizatsiiany quraýshy argýmentatsiia jáne kontrargýmentatsiia taqyryby qozǵaldy. Argýmentatsiia degenimiz – dástúrli dini tanymymyzdy kúsheitetin jáne qoǵamymyzda basym bolǵan qundylyqtardy rastaityn dálelder jinaǵyn jasaý. Al kontrargýmentatsiia bul – teris dini aǵymdardyń kúmándi ideialaryna jaýap berip joqqa shyǵarý. Bul eki ádis radikaldy sektalardyń jeteginde ketken adamdardy ońaltýdyń negizgi ádisteri. Osy rette, atalǵan saladaǵy dintanýshy mamandar jáne de sarapshylarmen teoriialyq negizde birshama jumystar atqarý kerek dep sanaimyn, – dedi. A.Q. Sabdin
Onyń aitýynsha, álem elderi úshin ekstremizm qaýipi tolyqtai seiile qoiǵan joq. Tipti, kóptegen elderde terroristik qaýip-qaterler kún sanap artyp keledi.
– Ýaqyt ótken saiyn dini ekstremizm keńinen qanat jaiýda. Oǵan dálel, jat aǵymdy nasihattaýshy uiymdar men toptardyń óz aýmaqtary, resýrstary qalyptasqan. Olar óz maqsattaryna jetý úshin zamanaýi tehnologiialar men áleýmettik jelilerdi qoldanady. Ideologiialaryn nasihattaityn ádistemelerin jetildirip, qysym jasaýǵa shaqyrady. Bul rette, saiasatkerler men zertteýshiler lańkestikke qarsy soǵys tek ýaqyt uzartqanyn, onyń paidasyna qaraǵanda ziiany kóbirek bolǵandyǵyn moiyndady. Osy oraida, ekstremister men dini radikaldarǵa arnalǵan deradikalizatsiia jáne áleýmettik ońaltý baǵdarlamasy qolǵa alynýda. Onyń álem deńgeiinde nátijesi de joq emes, – dedi sarapshy.
Búginde dinniń qoǵam aldyndaǵy, ómirdegi rolin belgilep naqtylaý aitarlyqtai mańyzǵa ie bolyp otyr. Bul rette,Almaty oblysy Alakól aýdany ishki saiasat bóliminiń basshysy M.Súleimenov.
– Básekege bás tigip, Qazaqstannyń kemel keleshegi men baiandy bolashaǵyn qalyptastyrýda Elbasynyń jarlyǵymen ázirlenip, bekitilgen, asa mańyzdy strategiialyq qujat sanalatyn Qazaqstan Respýblikasynyń din salasyndaǵy memlekettik saiasatynyń 2017-2020 jyldarǵa arnalǵan Tujyrymdamasy atalǵan salanyń damýyna temirqazyq bolmaq. Bul - qujat memleket azamattardyń quqyqtyq ar-ojdan bostandyǵyn qamtamasyz etip, elimizde tirkelgen dini birlestikterdiń alańsyz jumys isteýi úshin qolaily jaǵdai jasaýda. Sondai-aq memleket pen din arasyndaǵy júieni qalyptastyryp, qarym-qatynastar pen kózqarastardy aiqyndaidy, ̶ dep óz oiyn bildirdi.
Jiynǵa qatysqan meshit imamdary jáne din isteri bóliminiń mamandary dini saýattylyqty arttyrýǵa baǵyttalǵan osyndai sharalardyń bereri mol degen pikirde.
Aqtóbe oblysy din isteri basqarmasy Basshysy Qalmaǵambetov Joldas Nurlanulynyń aitýynsha, ótken seminardan respýblika boiynsha aqparattyq túsindirý toptary jumystarynyń tiimdiligi, úilestirý tásilderi boiynsha keńinen aqparat alyndy.
̶ Bilikti dintanýshy mamandardyń pikirin, usynystaryn tyńdadyq. Teris aǵymnyń jetegine kirip ketken azamattarmen sóilesýdiń ádis-tásilderin, dáiekterin meńgerdik. Bul alǵan bilimdi óz óńirimizde qoldanyp, atqarar jumystardan oń nájije shyǵarý basty maqsatymyz. Aita keterligi, Aqtóbe oblysynda 205 músheden turatyn aqparattyq-túsindirý toby jumys jasaidy. Sonymen qatar, dini baǵytta ońaltý jumystarymen ainalysatyn 22 adamnan quralǵan «Ańsar» aqparattyq taldaý ortalyǵy da iske qosylǵan. Buǵan qosa, oblys ákimi B. Mashbekulynyń tapsyrmasymen dini ahýaldy odan ári turaqtandyrý úshin oblystyń bes aýdanynda kommýnaldyq mekemeler ashyldy», ̶ dedi oblysy din isteri basqarmasy Basshysy. Onyń aitýynsha, 2016 jyly Aqtóbe oblysy boiynsha 346 adam islamnyń dástúrli baǵytyna aýysqan. Al biyl 9 ai ishinde bul kórsetkish 535 adamǵa tolyqty. Joldas Nurlanuly óńirde burynǵydai jappai toptalyp jat aǵymnyń etegine kirý qazirgi kezde toqtalǵandyǵyn, osynyń barlyǵy óńir basshysynyń atalǵan baǵyttaǵy jumystardy tiimdi uiymdastyrýdyń nátijesi ekendigin tilge tiek etti.
Eki kúndik seminar barysynda aqparattyq-túsindirý tobynyń qyzmetiniń túiitkildi máseleleri boiynsha pikir almasýlar ótti. Ózekti máseleler anyqtaldy.
Is-shara sońynda QR Din isteri jáne azamattyq qoǵam ministrligi atynan óńirlik din isteri basqarmasynyń belsendi múshelerine alǵys hattar jáne qazirgi zamanǵy gadjetter tabys etildi.
https://dalanews.kz/31419
