Jiynǵa oblys ákiminiń orynbasary B. Jamalov, oblystyq kásipkerlik, indýstriialdy-innovatsiialyq damý basqarmasynyń basshysy B. Qurmanseiit, «Atameken» Ulttyq kásipkerler palatasy Ońtústik Qazaqstan oblystyq filialynyń direktory A. Ábýbákirov jáne filaldyń bólim basshylary qatysty.
Óńir basshysy aldymen Elbasynyń biylǵy Qazaqstan halqyna arnaǵan «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýy júktegen negizgi basymdyqtarǵa toqtalyp, aldaǵy maqsat-mindetterdi baiandady.
«Óńirlik kásipkerler palatasynyń basty mindeti – biznes quqyǵy men kásipkerlerdiń múddelerin qorǵaý. Desek te, bul uiym oblys ekonomikasyn órkendetýge qatysty barlyq salalyq basqarmalarmen birlese júieli jumys isteýi qajet. Osy rette indýstrialdy aimaqtar men «Ońtústik» áleýmettik-kásipkerlik korporatsiiasy sekildi basqa da qarjylyq qurylymdarmen tyǵyz bailanysta bolýlaryńyz kerek», - dedi Janseiit Qanseiituly.
Búginde oblystyq kásipkerler palatasynyń qurylymy 177 myń kásipkerlik sýbektilerinen jáne 14 aýdandyq filialdan turady. Bul úlken kúsh. Osyny eskergen óńir basshysy palata basshylyǵyna saraptamalyq bólim ashýdy tapsyrdy. Atalǵan bólim oblysymyzdaǵy ekonomikalyq damý kórsetkishterin jan-jaqty saralap, naqty aqparattarmen qamtamasyz etip otyratyn bolady.
Jiyndy qorytqan oblys ákimi azamattardy barlyq salaǵa beiimdeý úshin aldaǵy ýaqytta qysqa merzimdik oqytý úrdisi qolǵa alynatyndyǵyn jetkizdi. Sondai-aq, palata qyzmetkerlerine biznes joba ázirleýde ishki naryqty ábden zerttep, jobanyń tiimdiligine kóz jetkizip alýǵa keńes berdi.
Jiyn sońynda «Atameken» Ulttyq kásipkerler palatasy Ońtústik Qazaqstan oblystyq filialynyń direktory A. Ábýbákirov óńir basshysyn jańa jobalarmen tanystyrdy. Ol 2017 jyly filial tarapynan 24120 kásipkerge keńes berilgenin, sonymen qatar 1124 biznes jospar ázirlengenin jetkizdi. Sondai-aq, munda ótken jyly 3173 ruqsat qujattary rásimdelgen. Filialdyń kásipkerlik mektebinde jyl boiynda 2014 azamat kásipkerlik negizderi kýrsynda dáris alǵan.
OQO ákiminiń baspasóz qyzmeti
