Eks-sýdia Jolmanovaǵa qatysty qylmystyq is sotqa joldandy, - dep habarlaidy Dalanews.kz.
Asa iri kólemde alaiaqtyq jasap aiyptalǵan burynǵy sýdia S.Jolmanovaǵa qatysty qylmystyq is boiynsha sotaldy tergep-tekserý aiaqtaldy.
Tergeý málimetinshe, 2021 jyldan 2024 jylǵa deiingi kezeńde ol jyljymaityn múlik satyp alýǵa jáne tenderlik jobalarǵa qatysýǵa járdemdesemin degen syltaýmen, aldaý jáne senimge qiianat keltirý arqyly azamattardyń 1 milliard teńgeden asa somadaǵy qarajatyn qoldy qylǵan.
"Tergep-tekserý barysynda qylmystyq árekettiń 48 epizody anyqtalyp, olar bir iske biriktirildi. Tergep-tekserý aiaqtalǵannan keiin qylmystyq is Qazaqstan Respýblikasy Qylmystyq kodeksiniń 190-baby 4-bóliginiń 2) tarmaǵy (asa iri mólsherdegi alaiaqtyq) boiynsha aiyptaý aktisimen máni boiynsha qaraý úshin sotqa joldandy", - dep jazylǵan habarlamada.
Aita keteiik, 2021 jyldyń 28 sáýirinde Almaty qalasy Medeý aýdandyq sotynyń sýdiasy Svetlana Jolmanova alaiaqtyq jasady degen kúdikke ilindi.
Tintý kezinde sýdianyń kabinetinen 10 myń dollar tárkilengen. Ol sot sheshimderin belgili bir adamdardyń paidasyna shyǵarýǵa kómektesken.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
