ەكس-سۋديا جولمانوۆاعا قاتىستى قىلمىستىق ءىس سوتقا جولداندى، - دەپ حابارلايدى Dalanews.kz.
اسا ءىرى كولەمدە الاياقتىق جاساپ ايىپتالعان بۇرىنعى سۋديا س.جولمانوۆاعا قاتىستى قىلمىستىق ءىس بويىنشا سوتالدى تەرگەپ-تەكسەرۋ اياقتالدى.
تەرگەۋ مالىمەتىنشە، 2021 جىلدان 2024 جىلعا دەيىنگى كەزەڭدە ول جىلجىمايتىن مۇلىك ساتىپ الۋعا جانە تەندەرلىك جوبالارعا قاتىسۋعا جاردەمدەسەمىن دەگەن سىلتاۋمەن، الداۋ جانە سەنىمگە قيانات كەلتىرۋ ارقىلى ازاماتتاردىڭ 1 ميلليارد تەڭگەدەن اسا سوماداعى قاراجاتىن قولدى قىلعان.
"تەرگەپ-تەكسەرۋ بارىسىندا قىلمىستىق ارەكەتتىڭ 48 ەپيزودى انىقتالىپ، ولار ءبىر ىسكە بىرىكتىرىلدى. تەرگەپ-تەكسەرۋ اياقتالعاننان كەيىن قىلمىستىق ءىس قازاقستان رەسپۋبليكاسى قىلمىستىق كودەكسىنىڭ 190-بابى 4-بولىگىنىڭ 2) تارماعى (اسا ءىرى مولشەردەگى الاياقتىق) بويىنشا ايىپتاۋ اكتىسىمەن ءمانى بويىنشا قاراۋ ءۇشىن سوتقا جولداندى"، - دەپ جازىلعان حابارلامادا.
ايتا كەتەيىك، 2021 جىلدىڭ 28 ساۋىرىندە الماتى قالاسى مەدەۋ اۋداندىق سوتىنىڭ سۋدياسى سۆەتلانا جولمانوۆا الاياقتىق جاسادى دەگەن كۇدىككە ءىلىندى.
ءتىنتۋ كەزىندە سۋديانىڭ كابينەتىنەن 10 مىڭ دوللار تاركىلەنگەن. ول سوت شەشىمدەرىن بەلگىلى ءبىر ادامداردىڭ پايداسىنا شىعارۋعا كومەكتەسكەن.
29 ساۋىردە جوعارعى سوت ءتوراعاسىنىڭ وكىمىمەن سۆەتلانا جولمانوۆانىڭ وكىلەتتىگى توقتاتىلدى.
