Almatyda burynǵy sýdia Svetlana Jolmanovaǵa qatysty is boiynsha sot jalǵasyp jatyr, dep habarlaidy Dalanews.kz.
Tengrinews.kz málimetinshe, búgin aiyptalýshy Svetlana Jolmanova densaýlyǵyna bailanysty sot otyrysyna qatysýdan bas tartqan. Alaida tergeý izoliatorynyń basshylyǵy aiyptalýshynyń densaýlyǵy jaqsy ekenin aitqan. Ol tártip buzǵany úshin tártiptik izoliatorǵa aýystyrylǵan.
Protsess aiyptalýshynyń qatysýynsyz jalǵasyp jatyr.
Búgin sot barysynda jábirlenýshilerdiń biri buǵan deiin Jolmanova odan 170 myń teńge qaryz alyp, qaitarmaǵanyn aitty. Degenmen jábirlenýshi Jolmanovaǵa qarsy shaǵymdardan bas tartty.
"Svetlana Jolmanovaǵa qaryzǵa aqsha berdim. Oǵan 170 myń teńge berdim. Keiin bári aryz jaza bastaǵanda, men de jazdym. Jai qaryzǵa surady, maǵan eshteńe ýáde etpedi. 170 myń teńge, ol aqshany áli qaitarǵan joq. Bul somany óndirip alýdan jáne budan ári sotqa qatysýdan bas tartamyn. Jolmanovaǵa eshqandai shaǵymym joq. Azamattyq talap qoiýdan bas tartamyn", - dedi jábirlenýshi Qazbek Nurahmetov.
Taǵy bir kýáger Erasyl Kákenov Svetlana Jolmanova oǵan páter satyp alýdy usynǵanyn aitty.
"Basynda Jolmanovanyń anasyn emdep júrdim, sistema qoidym. Keiin Svetlana Jolmanovamen tanystym, oǵan da sistema qoia bastadym. Ol Medeý aýdanynyń sotynda jumys isteitinin aitty. Men páter satyp alǵym keletinin bildi. Ol páter satatynyn aitty. Túgel degen apaidyń páterin satyp aldym. Onyń tegin umytyp qaldym. Barlyǵy notariýs arqyly, ornymen. 16 million teńgege satyp aldym. Ózim ipoteka tóledim, jaqynda qaryzyma bailanysty páterdi sattym. Aqsha Túgel tátege berildi. Jolmanovaǵa aqsha berilmedi", - dedi kýáger.
Taǵy bir kýáger Jolmanovamen 20 jylǵa jýyq dos bolǵanyn aitty. Áieldiń sózinshe, sińilisi 20 million teńge nesie alyp, aiyptalýshy Jolmanovaǵa bergen.
"Svetlana nesieni jappady, sińilim menen surady. Svetlana bárin qaitaratynyn aitty, sál kútý keregin jetkizdi. ...Somasy 20 million teńgeden asady", - dedi kýáger.
Óz kezeginde kýáger Erdan Taǵaev Svetlana Jolmanova odan 137,6 million teńge qaryz alyp, qaitarmaǵanyn málimdedi. Ol aqshany eki ai ishinde qaitarýǵa ýáde bergen.
"2021 jyly ol menen 137 million 600 myń teńge qaryzǵa aldy. Ol maǵan tanystarym arqyly keldi, tanysym aqsha berýimdi ótindi. Ol eki aiǵa dep aldy. ...Ol eki ai ishinde barlyq aqshany qaitaratynyn senimdi túrde aitty", - dedi er adam.
Bul is boiynsha tergeý barysynda qylmystyq árekettiń 48 epizody anyqtalyp, olar bir iske biriktirilgen.
Aita keteiik, 2021 jyldyń 28 sáýirinde Almaty qalasy Medeý aýdandyq sotynyń sýdiasy Svetlana Jolmanova alaiaqtyq jasady degen kúdikke ilindi. Tintý kezinde sýdianyń kabinetinen 10 myń dollar tárkilengen. Ol sot sheshimderin belgili bir adamdardyń paidasyna shyǵarýǵa kómektesken degen kúdikke ilindi.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
