Eks-sheneýnik aýyr jaǵdaida aýrýhanaǵa jetkizildi
Zańger aqparaty boiynsha, Ábishev Nur-Sultan qalalyq ftiziopýlmonologiia ortalyǵyna jatqyzylǵan.
«Keshe keshke jedel járdem kómegimen aýrýhanaǵa jetkizildi. PTR-test nátijesi búgin shyǵýy kerek. Islam Ábishevtiń jaǵdaiy aýyr. Osydan on shaqty kún buryn ol koloniiada vaktsina alý týraly ótinish jasady. Alaida, Islam Ábishevtiń bul ótinishi oryndalmady. Bul onyń quqyǵy eskerilmegen alǵashqy jaǵdai emes. Aýa jetpei, qulap qala beretin, ol jarty jyl boiy meditsinalyq kómekke muqtaj ekenin aityp keldi. Tipti, sot protsesi kezinde de dem jetpei, úsh ret qulady. Bul ne masqara? Adamdy tiridei óltireiin dep jatyr ma? Aqyry, aýyr jaǵdaiǵa túsken soń, keshe amalsyz aýrýhanaǵa jetkizilip, dárigerler ony aman alyp qaldy», – deidi advokat.
Naýqastyń qazirgi jaǵdaiyna qatysty resmi organdardan áli naqty aqparat berilgen joq.
Eske salaiyq, Islam Ábishev 2014-2019 jyldar aralyǵynda AShM Sý resýrstary komitetiniń tóraǵasy qyzmetin atqarǵan. 2019 jyly 16 naýryzda eks-sheneýnik Qazaq kúresi federatsiiasynyń vitse-prezidenti Serik Túkievpen birge 60 million teńgeden astam aqshany bopsalaý jolymen para aldy dep kúdikke ilingen. 2020 jyly 18 aqpanda Ábishev 5 jylǵa, Túkiev 4 jylǵa bas bostandyǵynan aiyryldy.
Derekkóz: azattyq-ruhy.kz
