زاڭگەر اقپاراتى بويىنشا، ابىشيەۆ نۇر-سۇلتان قالالىق فتيزيوپۋلمونولوگيا ورتالىعىنا جاتقىزىلعان.
«كەشە كەشكە جەدەل جاردەم كومەگىمەن اۋرۋحاناعا جەتكىزىلدى. پتر-تەست ناتيجەسى بۇگىن شىعۋى كەرەك. يسلام ابىشيەۆتىڭ جاعدايى اۋىر. وسىدان ون شاقتى كۇن بۇرىن ول كولونيادا ۆاكسينا الۋ تۋرالى ءوتىنىش جاسادى. الايدا، يسلام ابىشيەۆتىڭ بۇل ءوتىنىشى ورىندالمادى. بۇل ونىڭ قۇقىعى ەسكەرىلمەگەن العاشقى جاعداي ەمەس. اۋا جەتپەي، قۇلاپ قالا بەرەتىن، ول جارتى جىل بويى مەديسينالىق كومەككە مۇقتاج ەكەنىن ايتىپ كەلدى. ءتىپتى، سوت پروسەسى كەزىندە دە دەم جەتپەي، ءۇش رەت قۇلادى. بۇل نە ماسقارا؟ ادامدى تىرىدەي ولتىرەيىن دەپ جاتىر ما؟ اقىرى، اۋىر جاعدايعا تۇسكەن سوڭ، كەشە امالسىز اۋرۋحاناعا جەتكىزىلىپ، دارىگەرلەر ونى امان الىپ قالدى»، – دەيدى ادۆوكات.
ناۋقاستىڭ قازىرگى جاعدايىنا قاتىستى رەسمي ورگانداردان ءالى ناقتى اقپارات بەرىلگەن جوق.
ەسكە سالايىق، يسلام ابىشيەۆ 2014-2019 جىلدار ارالىعىندا اشم سۋ رەسۋرستارى كوميتەتىنىڭ ءتوراعاسى قىزمەتىن اتقارعان. 2019 جىلى 16 ناۋرىزدا ەكس-شەنەۋنىك قازاق كۇرەسى فەدەراسياسىنىڭ ۆيسە-پرەزيدەنتى سەرىك تۇكييەۆپەن بىرگە 60 ميلليون تەڭگەدەن استام اقشانى بوپسالاۋ جولىمەن پارا الدى دەپ كۇدىككە ىلىنگەن. 2020 جىلى 18 اقپاندا ابىشيەۆ 5 جىلعا، تۇكييەۆ 4 جىلعا باس بوستاندىعىنان ايىرىلدى.
دەرەككوز: azattyq-ruhy.kz
