Qoldanystaǵy Qylmystyq kodekste "Qazaqstan Respýblikasynyń tuńǵysh prezidentin – elbasyn kópshilik aldynda qorlaý jáne onyń abyroiy men qadir-qasietine ózge qolsuǵýshylyq, Qazaqstan Respýblikasy tuńǵysh prezidenti – elbasynyń beinesin búldirý, Qazaqstan Respýblikasy tuńǵysh prezidentiniń – elbasynyń zańdy qyzmetine kedergi jasaý" degen 373-baby bar.
Ádilet ministri Qanat Mýsin jýrnalisterdiń suraqtaryna jaýap bere otyryp, bul baptyń alynyp tastalatynyn aitty.
"El prezidentin qorlaǵany úshin jaýapkershilik týraly basqa bap bar, ol qalady. Al elbasyna qatysty bólek bap bolmaidy", - dedi ol.
Sondai-aq jýrnalister ádilet ministrinen prezident kezinde jasaǵan áreketteri úshin Nazarbaevty jaýapkershilikke tartýǵa bola ma dep surady.
"Konstitýtsiia boiynsha Qazaqstan prezidenti memleketke opasyzdyq jasaǵany úshin ǵana emes, basqa qylmystar úshin de jaýapqa tartylady", – dep jaýap berdi Qanat Mýsin.
Eske salsaq, 5 maýsymda Qazaqstanda konstitýtsiialyq túzetýler boiynsha búkilhalyqtyq referendým ótken bolatyn. Elimizdiń negizgi zańynan "Tuńǵysh prezident týraly" zańdy joiý arqyly tuńǵysh prezident Nursultan Nazarbaevtyń mártebesi týraly erejeler alynyp tastalady.
Derekkóz: Stan.kz
