Reseilik reper Navai-diń Jambyl oblysynda ustalýyna bailanysty Reseidiń Almatydaǵy bas konsýldyǵy Qazaqstannyń Syrtqy ister ministrligine nota joldady. Bul týraly RIA Novosti memlekettik aqparat agenttigi habarlady, dep habarlaidy dalanews.kz.
Reseilik diplomattar oqiǵa týraly aqparat quraldarynan bilgenin, Qazaqstan biliginen resmi habarlama almaǵanyn málimdedi.
«Biz nota joldadyq. Bul – jergilikti bilikpen resmi bailanys ornatýdyń bir joly. Resei azamatynyń qaida ekenin, qandai jaǵdaida ustalǵanyn jáne istiń basqa da mán-jaiyn anyqtaýdy suradyq. Qajet bolǵan jaǵdaida onymen konsýldyq kezdesý ótkizýge ruqsat suraimyz», – dep habarlady Reseidiń Almatydaǵy bas konsýldyǵy.
Eske salaiyq, reseilik reper Navai 13 qazanda Qordai ótkizý beketi arqyly Qazaqstanǵa kirmek bolǵan kezde ustalǵan. Jambyl oblystyq politsiia departamentiniń málimetinshe, onyń kóliginen esirtki tabylǵan. Qazir reper esirtki kontrabandasyna qatysy bar degen kúdikke ilinip otyr.
15 qazanda sot ony qamaýda ustaýǵa sanktsiia bergen. Advokattary bul sheshimge shaǵym túsirdi.
Osy jaǵdaiǵa bailanysty reperdiń 14 qazanda Astanada ótýi josparlanǵan kontserti de keiinge qaldyryldy. Uiymdastyrýshylar sharanyń bastalýyna tórt saǵat qalǵanda ǵana kontserttiń ótpeitinin habarlaǵan.
