Qyzylordada jantúrshigerlik jol-kólik oqiǵasy boldy. Júrgizýshi bes ailyq sábii bar áieldi qaǵyp, oqiǵa ornynan qashyp ketken. Saldarynan náreste kóz jumyp, anasy aýyr jaǵdaida aýrýhanaǵa jetkizildi, dep habarlaidy dalanews.kz.
Politsiia málimetinshe, qaiǵyly jaǵdai 14 qazan kúni keshki ýaqytta Qultekenov kóshesinde bolǵan. Mitsubishi Lancer markaly avtokóliktiń júrgizýshisi joǵary jyldamdyqpen kele jatyp, bes ailyq balasymen kósheden ótip bara jatqan 26 jastaǵy áieldi qaqqan.
Jol apatynan zardap shekken ana men bala shuǵyl túrde aýrýhanaǵa jetkizilgen. Alaida dárigerler aýyr jaraqat alǵan náresteniń ómirin saqtap qala almady.
Qazirgi ýaqytta sábidiń anasy jansaqtaý bóliminde jatyr. Onyń jaǵdaiy aýyr ekeni habarlandy.
Al eki adamdy qaǵyp, oqiǵa ornynan boi tasalaǵan júrgizýshige izdeý jariialanǵan. Quqyq qorǵaý organdary kúdiktiniń turǵylyqty mekenjaiyn anyqtaǵan.
Oqiǵanyń mán-jaiy anyqtalyp jatyr.
