قىزىلوردادا جانتٷرشٸگەرلٸك جول-كٶلٸك وقيعاسى بولدى. جٷرگٸزۋشٸ بەس ايلىق سەبيٸ بار ەيەلدٸ قاعىپ, وقيعا ورنىنان قاشىپ كەتكەن. سالدارىنان نەرەستە كٶز جۇمىپ, اناسى اۋىر جاعدايدا اۋرۋحاناعا جەتكٸزٸلدٸ, دەپ حابارلايدى dalanews.kz.
پوليتسييا مەلٸمەتٸنشە, قايعىلى جاعداي 14 قازان كٷنٸ كەشكٸ ۋاقىتتا قۇلتەكەنوۆ كٶشەسٸندە بولعان. Mitsubishi Lancer ماركالى اۆتوكٶلٸكتٸڭ جٷرگٸزۋشٸسٸ جوعارى جىلدامدىقپەن كەلە جاتىپ, بەس ايلىق بالاسىمەن كٶشەدەن ٶتٸپ بارا جاتقان 26 جاستاعى ەيەلدٸ قاققان.
جول اپاتىنان زارداپ شەككەن انا مەن بالا شۇعىل تٷردە اۋرۋحاناعا جەتكٸزٸلگەن. الايدا دەرٸگەرلەر اۋىر جاراقات العان نەرەستەنٸڭ ٶمٸرٸن ساقتاپ قالا المادى.
قازٸرگٸ ۋاقىتتا سەبيدٸڭ اناسى جانساقتاۋ بٶلٸمٸندە جاتىر. ونىڭ جاعدايى اۋىر ەكەنٸ حابارلاندى.
ال ەكٸ ادامدى قاعىپ, وقيعا ورنىنان بوي تاسالاعان جٷرگٸزۋشٸگە ٸزدەۋ جارييالانعان. قۇقىق قورعاۋ ورگاندارى كٷدٸكتٸنٸڭ تۇرعىلىقتى مەكەنجايىن انىقتاعان.
وقيعانىڭ مەن-جايى انىقتالىپ جاتىر.
