Almaty taýlarynda 28 qyrkúiekte joǵalyp ketken Koreianyń 73 jastaǵy azamatyn izdeý jumystary jalǵasyp jatyr. 16 qazandaǵy jaǵdai boiynsha týrist áli tabylǵan joq, dep habarlaidy dalanews.kz.
28 qyrkúiekte er adam Shymbulaq aspaly jolymen taýǵa kóterilgen. Ol bir top adammen birge bolǵan. Keiin olarǵa baǵytyn óz betinshe jalǵastyryp, qalaǵa eshkimniń kómeginsiz túsetinin aitqan. Alaida týrist qonaqúige oralmaǵan.
29 qyrkúiekte qutqarýshylarǵa sheteldik azamat joǵalǵany týraly habar túsken. Osydan keiin taýda izdeý-qutqarý operatsiiasy bastaldy.
Buǵan deiin Tótenshe jaǵdailar ministrligi izdeý jumystaryna taýdyń kúrdeli jer bederi, tekseriletin aýmaqtyń úlkendigi kedergi keltirip jatqanyn habarlaǵan edi. Qutqarýshylar jetý qiyn jerlerdi, taý betkeileri men shatqaldardy tekserýge erekshe nazar aýdaryp otyr.
