الماتى تاۋلارىندا 28 قىركٷيەكتە جوعالىپ كەتكەن كورەيانىڭ 73 جاستاعى ازاماتىن ٸزدەۋ جۇمىستارى جالعاسىپ جاتىر. 16 قازانداعى جاعداي بويىنشا تۋريست ەلٸ تابىلعان جوق, دەپ حابارلايدى dalanews.kz.
28 قىركٷيەكتە ەر ادام شىمبۇلاق اسپالى جولىمەن تاۋعا كٶتەرٸلگەن. ول بٸر توپ اداممەن بٸرگە بولعان. كەيٸن ولارعا باعىتىن ٶز بەتٸنشە جالعاستىرىپ, قالاعا ەشكٸمنٸڭ كٶمەگٸنسٸز تٷسەتٸنٸن ايتقان. الايدا تۋريست قوناقٷيگە ورالماعان.
29 قىركٷيەكتە قۇتقارۋشىلارعا شەتەلدٸك ازامات جوعالعانى تۋرالى حابار تٷسكەن. وسىدان كەيٸن تاۋدا ٸزدەۋ-قۇتقارۋ وپەراتسيياسى باستالدى.
بۇعان دەيٸن تٶتەنشە جاعدايلار مينيسترلٸگٸ ٸزدەۋ جۇمىستارىنا تاۋدىڭ كٷردەلٸ جەر بەدەرٸ, تەكسەرٸلەتٸن اۋماقتىڭ ٷلكەندٸگٸ كەدەرگٸ كەلتٸرٸپ جاتقانىن حابارلاعان ەدٸ. قۇتقارۋشىلار جەتۋ قيىن جەرلەردٸ, تاۋ بەتكەيلەرٸ مەن شاتقالداردى تەكسەرۋگە ەرەكشە نازار اۋدارىپ وتىر.
