Albaniia astanasy Tiranada narazylyq bildirýshiler men politsiia qyzmetkerleri úshinshi kún qatarynan qaqtyǵysyp jatyr, dep habarlaidy dalanews.kz.
Beisenbide narazylyqqa shyqqan stýdentter men olardyń jaqtastary Ekonomika ministrliginiń ǵimaratyna basyp kirip, ishin qiratqan. Albanian Daily News málimetinshe, Tirana kóshelerinde tártipsizdikter 10 saǵatqa sozylǵannan keiin narazylar Ekonomika ministrliginiń ǵimaratyna kirgen. Olar ishindegi jihaz ben jabdyqtardy, sonyń ishinde printerlerdi syrtqa shyǵara bastaǵan.
Ortalyq sailaý komissiiasynyń keńsesi de búlindi. Biliktegi partiianyń keńsesi mańyndaǵy jaǵdai da ýshyǵa tústi. Politsiia stýdentterdi taratý úshin kózden jas aǵyzatyn gaz qoldanǵan. Narazylar politseiler men memlekettik mekemelerdiń ǵimarattaryna tas, pirotehnikalyq zattar laqtyryp, ortalyq kóshelerdegi dúken sóreleri men dúńgirshekterdi qiratqan. 72 saǵatqa sozylǵan tártipsizdikter kezinde 71 politsei jaraqat alǵan.
Stýdentter oqý aqysy qymbattyǵyna, sabaq ótkizý jaǵdaiy nasharlyǵyna jáne mamandyǵy boiynsha jumys tabý múmkindigi azdyǵyna narazylyq bildirip jatyr. Olar premer-ministr Edi Ramadan beisenbi túske deiin otstavkaǵa ketýdi talap etti. Alaida úkimet basshysy bul talaptan bas tartyp, kóshedegi zorlyq-zombylyq úshin olardy aiyptady.
Beisenbide el astanasynyń ortalyǵyndaǵy myńdaǵan demonstrantqa joǵary synyp oqýshylary da qosylǵan. Olar "Rama, otstavkaǵa ket!" dep urandatyp, qaladaǵy kólik qozǵalysyn toqtatqan.
