Kóptei kórinbei ketken burynǵy densaýlyq saqtaý ministri Aleksei Tsoi kóp aldynda jylt etti, - dep habarlaidy Dalanews.kz.
Densaýlyq saqtaý ministrligi alqasynyń tóralqasynda kóptegen tanymal adamdar kózge tústi. Bul týraly Satzhangram Telegram-arnasy jazdy. Otyrysta QR premer-ministriniń orynbasary Tamara Dúisenova, densaýlyq saqtaý ministri Aqmaral Álnazarovadan bólek burynǵy densaýlyq saqtaý ministri Aleksei Tsoi, Pavlodar oblysynyń burynǵy ákimi Ábilqaiyr Sqaqov kórinedi.
2021 jyly 20 jeltoqsanda Tsoi densaýlyq saqtaý ministri qyzmetinen ketti. Bul aqparat sol kezde áleýmettik jelide qyzý talqyǵa tústi. Óitkeni Tsoidyń ministr bolýy da tynysh ótpedi. Buǵan deiin qazaqstandyqtar onyń ministr retindegi qyzmetin birneshe ret synǵa alyp júrdi.
Buǵan eks-ministr "meni synap júrgender namysyma timeidi" degen jaýap ta bergen edi.
Vaktsinatsiia naýqany bastalǵanda Tsoi Toqaevtan eskertý de aldy. Al Densaýlyq saqtaý ministrliginiń baspasóz qyzmeti ókilderi Tsoi basqa qyzmetke aýysýyna bailanysty óz erkimen qyzmetinen ketkenin habarlaǵan bolatyn.
Tsoi jerde qalmady. Ile shala beldi qyzmetke ornalasty. 2022 jylǵy 31 qazannan bastap Qazaqstan Respýblikasy Prezidenti is basqarmasy meditsinalyq ortalyǵynyń basshysy bolyp taǵaiyndaldy. Resmi saityndaǵy málimetke súiensek, áli kúnge osy qyzmette otyr.
